Досжан Әбдірәліұлы Жанботаев

Уикипедия — ашық энциклопедиясынан алынған мәлімет
Jump to navigation Jump to search

Досжан Әбдірәліұлы Жанботаев (10.01.1949, Алматы облысы Кеген ауданы (қазіргі Райымбек ауданы) Жалаулы ауылы) - әртіс. Қазақ.

Әкесі - Іргебаев Әбдірәлі, марқұм. Анасы - Шалағызова Күлсін, марқұм.

КСРО Мемлекеттік академиялық Ленин орденді Кіші театры жанындағы М.С. Щепкин атындағы Мәскеу театр училищесінің актерлік факультетін бітірген (1972), театр және кино актері. 1972 жылдан бері - С. Қожамқұлов атындағы Жезқазған қазақ музыкалық драма театрының әртісі. 2001 жылдан - С. Қожамқұлов атындағы Жезқазған қазақ музыкалық- драмалық театрының көркемдік жетекшісі, 2010 жылдан бері - директоры.

«Құрмет белгісі» (1978) орденімен марапатталған. «Үздік ер рөлі» сыйлығының лауреаты (1997, 1998); «Жыл актері» (2000) атағына ие. Қарағанды облысы әкімінің «Алтын қобыз» сыйлығының лауреаты (2008). «Үздік ер адам рөлі үшін» номинациясындағы республикалық театр байқауларының жеңімпазы (1996, 1998, 2009). ҚазКСР Еңбек сіңірген әртісі (1980). ҚР Халық әртісі (1992). Қазақстанның Еңбек сіңірген қайраткері (2008).

Үйленген. Жұбайы - Ибраева Райхан Жұмабайқызы (1948 жылы туған), С. Қожамқұлов атындағы Жезқазған қазақ музыкалық драма театрының әртісі. Ұлы - Жанботаев Теміржан Досжанұлы (1973 жылы туған), С. Қожамқұлов атындағы Жезқазған қазақ музыкалық драма театрының әртісі; қызы - Жанботаева Мируана Досжанқызы (1983 жылы туған), С. Қожамқұлов атындағы Жезқазған қазақ музыкалық драма театрының әртісі.[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2