Егінсай қоңыр көмір кен орны

Уикипедия — ашық энциклопедиясынан алынған мәлімет
Jump to navigation Jump to search

Егінсай қоңыр көмір кен орныҚостанай облысы Қарасу ауданында орналасқан. Кен орны 1951 жылы ашылып, өлшемі 35×5 км, тереңдігі 50-530 м өзімен аттас ойпаңда орналасқан.

Геологиялық құрылымы[өңдеу]

Көмір түзілімдері брахисинклинальды қатпарлықтарда көлбеу жатыр. Төменгі-ортаңғы юра конгломераттары, құмдары, алевролиттері, эргилиттері, көмір қаттары түрінде берілген.

Жатыс сипаты, құрамы[өңдеу]

Кеннің үстіңгі беті қуаттылығы 30-150 м ұсақ құмды-сазды жаралымдармен жабылған. Көмірдің жұмыс қаттарының ең жоғары қосынды қуаты 85 м, түсі қоңыр, қара шірінді маркасы Б2. Орташа күлділігі 14,5%, ылғал мөлшері 33,68%, күкірті 0,03-17,4%, жанғыш массаның жылу бөлгіштігі 2880-3538 ккал/кг. Көмірінің А+В+С1 категориясы бойынша баланстық қоры 1097 млн. тоннаны құрайды.