Еркін Аманоллаұлы Рамазанов

Еркін Аманоллаұлы Рамазанов

Еркін Аманоллаұлы Рамазанов

1955 жылы 10 маусымда Павлодар облысының Павлодар ауданындағы Ақкөл ауылында туған. Қазақ.

Әкесі - Рамазанов Аманолла Габдолқайұлы, одақтық дәрежедегі зейнеткер, Қазақстан Компартиясының Шымкент және Семей облыстық комитеттерінде бірінші хатшы, ҚР ауыл шаруашылығы министрінің орынбасары, ҚР дайындамалар министрінің орынбасары болған. Анасы - Сәрсенова Гүлназ Жанақметқызы (1926-1990), педагог болып жұмыс істеген.

Қазақ химия-технология институтының инженерлік-Құрылыс факультетін (Шымкент қаласы, 1977) инженер-құрылысшы мамандығы бойынша; В.В. Куйбышев атындағы Мәскеу Еңбек Қызыл Ту орденді инженерлік-құрылыс институтының аспирантурасын (1983) бітірген.

Техника ғылымдарының кандидаты (1984). Кандидаттық диссертациясының тақырыбы: «Өздігінен тығыздалатын массалардан жасалған монолиттік футировка». Доцент. «Өздігінен тығыздалатын массалардан жасалған монолиттік жылу жібермейтін футировкалар» кітабының (1983), сондай-ақ 29 мақаланың тең авторы. Өнер табыстарға 4 авторлық куәлігі бар.

Қазақ және орыс тілдерін біледі.

«Нұр Отан» ХДП мүшесі (2004 жылдан).

1977 жылдан - Қазақ химия-технология институтының тәжірибе жинаушы-зерттеушісі. 1979 жылдан - В.В. Куйбышев атындағы Мәскеу Еңбек Қызыл Ту орденді инженерлік-Құрылыс институтының аспиранты. 1983 жылдан- Алматы сәулет-құрылыс институты арнаұлы материалдар салааралық зертханасының меңгерушісі, технология факультетінің деканы. 1992 жылдан - «ЮРСК Лтд.» ОҚБ директоры. 1992 жылдан - «Қазэкспортастық» АҚ бас директоры (Алматы қаласы). 1997 жылдан - «Экспортастық» АҚ президенті, «Экспортастық» АҚ Қадағалау кеңесінің төрағасы. 1998 жылдан - «Қазэкспортастық» ЖАҚ Қадағалау кеңесінің төрағасы, «Қазэкспортастық» ЖАҚ Директорлар кеңесінің төрағасы (Алматы қаласы). 1999 жылдан - ҚР Парламенті Мәжілісі 2-ші шақырылымының депутаты, ҚР Парламенті Мәжілісінің Аграрлық мәселелер комитетінің төрағасы. 2004 жылдан - ҚР Парламенті Мәжілісі 3-ші шақырылымының депутаты, Аграрлық мәселелер комитетінің мүшесі.

2007 жылдан бері - ҚР Парламенті Мәжілісі 4-ші шақырылымының депутаты, Аграрлық мәселелер комитетінің мүшесі.

«Құрмет» орденімен (2005); «Қазақстан Республикасының тәуелсіздігіне 10 жыл» (2001), «Тыңға 50 жыл» (2004), «Қазақстан Конституциясына 10 жыл» (2005) медальдарымен марапатталған.

Әскери атағы - запастағы подполковник.

Діни көзқарасы - атеист.

Қазақстанның болашағы туралы болжамы - «Жақсы».

Хоббиі - жұмыс және спорт.

Сүйіп оқитын әдебиеті - детективтер.