Ерлан Балапанов

Ерлан Балапанов
Туған күні	1974 (1974)
Туған жері	Алматы
Жұмыс орны	ҚазМұнайГаз - Консалтинг АҚ
Ғылыми дәрежесі	Экономика ғылымдарының кандидаты
Марапаттары

Ерлан Балапанов (1974 жылы Алматыда туған) — қазақстандық ғалым, экономика ғылымдарының кандидаты.

Білімі

• Қазақ мемлекеттік басқару академиясын (1995)
• «Әділет» Жоғары құқық мектебін (2000) бітірген.

Еңбек жолы

• 1995 жылы — Қазақстан Республикасы Қаржы министрлігі Бас салық инспекциясында салық салу бөлімінің маманы, аға салық инспекторы.
• 1996 жылы — Қазақстан Республикасы Мемлекеттік салық комитеті төрағасының көмекшісі.
• 1997 жылы — Қазақстан Республикасы Салық полициясы органдарында қызмет.
• 1998 жылы — Қазақстан Республикасы Мемлекеттік кірістер министрлігі инспекторлық жұмысты үйлесімдеу департаментінің директоры.
• 1999-2002 жылдары — Алматы қаласы Медеу ауданы салық комитеті төрағасының міндетін атқарушы, төрағасы.
• 2002-2004 жылдары — «Price Waterhouse Coopers» салық және құқықтық қызмет көрсету бөлімінің менеджері.
• 2004 жылы — «ATG» компаниясының вице-президенті.
• 2004 жылдан — «ҚазМұнайГаз-Консалтинг» АҚ қаржы-экономикалық консалтингі бойынша атқарушы директоры.

Ғылыми және заңгерлік еңбектері

• 10-нан астам ғылыми басылымдардың авторы.
• Заңдылық актілерді, солардың ішінде Қазақстан Республикасының «Салықтар және де басқа бюджетке төленетін міндетті төленімдер туралы» кодексін, Қазақстанның кеден кодексін және тағы басқаларын жасауға қатысқан.

Марапаттары

• «Қазақстан Республикасының тәуелсіздігіне 10 жыл» медалымен марапатталған.