Есен Елеукен

Уикипедия — ашық энциклопедиясынан алынған мәлімет
Навигацияға өту Іздеуге өту
Есентүгел Баймұханбетұлы Елеукен
Туған күні

5 желтоқсан 1973 (1973-12-05) (50 жас)

Туған жері

Шалқар ауданы

Азаматтығы

 Қазақстан

Ұлты

Қазақ

Қызметі

«Қазақстан КВН Одағы» Республикалық жастар қоғамдық бірлестігінің Президенті

Марапаттары мен сыйлықтары
Құрмет ордені
Құрмет ордені

Есен Елеукен (Есентүгел Елеукен Баймұханбетұлы) — 1973 жылы 5 желтоқсанда Ақтөбе облысы Шалқар ауданында туған. Мыңдаған жастарды бір арнаға тоғыстырған Жайдарман қозғалысының көшбасшысы, «Қазақстан КВН Одағы» Республикалық жастар қоғамдық бірлестігінің Президенті. Құрмет орденінің иегері (2016).

  • Еңбек жолын 1990 жылы Ақтөбе облысы, Шалқар ауданы, Шетырғыз совхозында бастаған.
  • 1991 жылы Шымкент қаласындағы Қазақ химия-технологиялық институтына оқуға түсіп, 1996 жылы «Технологиялық процестер мен өндірісті автоматтандыру» мамандығы бойынша бітірген.
  • Әскери міндетті (запастағы офицер).
  • 1996-99 жылдары Халықаралық Қазақ-Түрік университеті Жаратылыстану және гуманитарлық институтының «Биоэкология» кафедрасында тағылымдамадан өтуші – зерттеуші.
  • 1998-2002 жылдары «Юмакс» радиосында қарапайым қызметші болып жұмыс бастап, қазақ редакциясының бас редакторы лауазымына дейін көтерілген.
  • 2002-2005 жылдары «Қазақ КТК (КВН) лигасы» РЖҚБ-ның вице-президенті.
  • 2005 жылдан бастап – «Қазақстан КВН Одағы» Республикалық жастар қоғамдық бірлестігінің Президенті.
  • 2006-2008 жылдары КТК телеарнасы арнайы бағдарламасының жетекшісі болды.
  • 2018-2020 жылдары «Tamasha TV» телеарнасының Директоры.
  • 2021 жылы YouTube желісінде  Yesti podcast каналының  негізін қалаушысы, жүргізушісі. Осы уақытқа дейін түрлі саланың 50-ге жуық спикерімен қоғамдағы өзекті тақырыптарды көтеріп, талқылады.

Марапаттары

[өңдеу | қайнарын өңдеу]
  • 2016 жылы ҚР Президенті жарлығымен белсенді қоғамдық қызметі үшін  «Құрмет орденімен» марапатталды.
  • 2016 - "Қазақстан Республикасы тәуелсіздігіне 25 жыл" медалі
  • 2017 жылы мемлекеттік тілге адал көзқарасы және қазақ тілінің дамуына қосқан зор үлесі үшін «Тіл жанашыры» құрмет белгісі.

Жетістіктері

[өңдеу | қайнарын өңдеу]
  • 2012-2016 жылдар аралығында қазақ тілді блогерлерге арналған республикалық «Блог құрылтай» ұйымдастырушыларының бірі (Қарағанды, Талдықорған, Жамбыл, Атырау қалаларында).
  • 2014 жылы Қытай елінің Шанхай қаласында жергілікті қазақтар мен елден барған студенттер арасында Жайдарман сайыстарының халықаралық фестивалін өткізді.
  • 2017 жылы Моңғолияның астанасы Ұланбатырда жергілікті топтардың қатысуымен Жайдарман сайыстарын ұйымдастырды.
  • 2017-2019 жылдары Түркітілдес елдер арасында талантты әрі тапқыр жастардың басын қосатын танымал Жайдарман ойындарының көшбасшысы болды. Онда түрлі елдерден 15-ке жуық команда қамтылды.
  • Жалпы республикалық деңгейде 500-ге жуық фестивальдардың негізін қалаушы.
  • Аймақтық және республикалық деңгейде 100-ден астам чемпионаттардың ұйымдастырушысы.
  • 2018-2020 жылдары өзі басқарған «Tamasha TV» арнасын ең үздік алғашқы 7 каналдың қатарына қосты.
  • 2023 жылы Жайдарман ойындарына 240 команда тіркеліп, оған 2000-нан астам ойыншы қатысып рекорттық көрсеткішке жетті, сондай-ақ соңғы 10 жылдың ішінде командалардың саны 200-ден кем түспеді.
  • 2022 жылы Қазақстанның Медиафутболының дамуына үлес қосты.
  • ҚР Президенті жанындағы жастар саясаты жөніндегі кеңестің 2 мәрте мүшесі атанды.
  • Қазақстандық жастарға арналған қоғамдық маңызы бар форумдардың, дөңгелек үстелдердің, басқа да жиындарының белді спикері.
  • Әлеуметтік жобалармен айналысатын Үкіметтік емес ұйымдарға республикалық деңгейде 3 мәрте үздік спикер болды.

Отбасылық жағдайы – Үйленген, бір қызы бар.

Сыртқы сілтемелер

[өңдеу | қайнарын өңдеу]

Ескертпелер

[өңдеу | қайнарын өңдеу]