Жалған бұйражапырақ

Жалған бұйражапырақ (лат. Pseudomarrubium) – ерінгүлділер тұқымдасына жататын көп жылдық шөптесін өсімдік. Қазақстанда тек Қаратаудың қиыршық тасты құмайт топырақты тау беткейінде өсетін бір түрі — бөгде шөлмасақ тәрізді Ж. б. (P. eremostachydioides) бар. Биікт. 30 см-дей. 4 қырлы, тік өсетін сабағын түк басқан. Қауырсын тәрізді ұзынша жапырақтарының ұш жағы жалпақ болады. Қызғылт, ашық күлгін түсті ерінге ұқсас гүлдері топтанып, күлтебас гүлшоғырын құрайды. Тұқымынан көбейеді. Маусым айында гүлдеп, шілдеде жемістенеді. Жемісі — төрт қырлы жаңғақша. Бөгде шөлмасақ тәрізді Ж. б. — дәрілік өсімдік. Бұл — өте сирек кездесетін, реликті өсімдік, жылдан жылға таралу аймағының азаюына байланысты Қазақстанның “Қызыл кітабына” енгізілген.