Жамбыл Серғазыұлы Тасеменов

Жамбыл Серғазыұлы Тасеменов (1945 жылы 10 тамызда Солтүстік Қазақстан облысы Преснов ауданының Кировка ауылында туған. Қазақ.)

Өмірбаяны

Петропавл мемлекеттік педагогикалық институтының жаратылыстану-география факультетін бітірген (1974), биология және химия пәндерінің мұғалімі.

КОКП (1970-1992), «Нұр Отан» ХДП (2001 жылдан) мүшесі.

1964 жылдан - Петропавл қаласындағы Солтүстік Қазақстан облыстық жастар спорт мектебінің жаттықтырушы-оқытушысы, 1968 жылдан - аға жаттықтырушысы. 1970 жылдан - СҚО облыстық комсомол комитетінің спорт және қорғаныс-көпшілік жұмысы бөлімінің меңгерушісі.

1974 жылдан - СҚО облыстық кәсіби-техникалық білім беру басқармасы бастығының орынбасары. 1991 жылдан - Солтүстік Қазақстан облыстық халыққа білім беру бөлімі бастығының орынбасары. 1994 жылдан - №1 Солтүстік Қазақстан облыстық мектеп-интернатының директоры.

1997 жылдан бері - Солтүстік Қазақстан облыстық дарынды балаларға арналған мамандандырылған мектеп-интернатының директоры.

СҚО Күрес федерациясының мүшесі (1967 жылдан). ҚР Күрес федерациясының мүшесі (1990-1999).

Грек-рим күресі бойынша Түркістан округының чемпионы (1965-1967); Өзбекстан чемпионы (1966, 1967), Қырғызстан чемпионы (1967); IV КСРО Халықтары спартакиадасының жүлдегері (1967); КСРО Кәсіподақтары спартакиадасының қола жүлдегері; Қазақстан чемпионы (1968, 1970); Польшадағы турнирдің жеңімпазы (1969); КСРО Жастарының ауылдық ойындары спартакиадасының 2 мәрте қола жүлдегері (1968, 1969).

Марапаттары

КСРО (1981), Қаз КСР кәсіби-техникалық білім беру саласының озаты (1989). ҚазКСР құрметті спорт шебері (1969).

ҚР Құрметті спорт қайраткері (2005). СҚО Құрметті азаматы (2009).

«1941-1945 жылдары Ұлы Отан соғысындағы Жеңіске жиырма жыл» (1965), «Қазақстан Республикасының тәуелсіздігіне 10 жыл» (2001) медальдарымен; БЛКЖО ОК құрмет белгісімен (1974); ҚазКСР Жоғарғы Кеңес Төралқасының (1969), БЛКЖО ОК (1971) құрмет грамоталарымен марапатталған.

Әскери атағы - қызметінен босатылған капитан.

Отбасы

Әкесі - Тасеменов Серғазы, марқұм, ұжымшар жұмысшысы, ҰОС мүгедегі болған. Анасы - Тасеменова Манзал, марқұм, ұжымшар жұмысшысы болған. Үйленген. Жұбайы - Тасеменова Сара Қайрамқызы (1947 жылы туған). Балалары - Бауыржан (1971 жылы туған), Жанбота (1973 жылы туған).