Жанболат Ахатұлы Мырзалин

Жанболат Ахатұлы Мырзалин 1974 жылы 23 шілдеде Ақтөбе облысы Темір ауданының Темір қаласында туған. Ақтөбе педагогикалық институтын бітірген (1995), тарих және география мұғалімі. Саяси ғылымдардың кандидаты (2000). Кандидаттық диссертациясының тақырыбы: «Қазақстанның саяси институттарының жаңару үдерісіне дәстүрліліктің ықпалы». «Дәстүршілдіктен заманауилыққа. Қазақстанның саяси институттарының жаңаруы» (2002), «Қазақстанның саяси жүйесінің эволюциясы» (2001, тең авторлықта) кітаптарының авторы. «Нұр Отан» ХДП мүшесі. 1995 жылдан - Қ. Жұбанов атындағы Ақтөбе педагогикалық институтының философия кафедрасының оқытушысы. 1997 жылдан - әл-Фараби атындағы Қазақ мемлекеттік университетінің зерттеуші-үйренушісі, аспиранты. 2000 жылдан - Қазақстан даму институты Әлеуметтік зерттеулер орталығының ғылыми қызметкері, директоры. 2001 жылдан - «Стратегия» талдама орталығы» қоғамдық қоры директорының орынбасары. 2002 жылдан - Қазақстан Республикасы Премьер-министрі Кеңсесінің кеңес берушісі. 2003 жылдан - Қазақстан Республикасы Прөзидентінің Әкімшілігі Кеңсесінің бас сарапшысы. 2004 жылдан - Қазақстан Республикасы Президенті Кеңсесінің ақпараттық- сарапшылық тобының бас сарапшысы. 2005 жылдың қаңтарынан - Астана қаласы әкімі аппаратының бақылау-инспекторлық және мамандармен жұмыс бөлімінің меңгерушісі. 2005 жылдың ақпанынан - Алматы қаласы Ішкі саясат департаментінің директоры. 2006 жылдан - Алматы қаласы әкімінің аппарат жетекшісі. 2008 жылдан бері - Астана қаласы әкімінің аппарат жетекшісі. Үйленген. 3 баласы бар.