Жанболат Башарұлы
 | Мына мақаланы не бөлімін Жанболат Башар дегенмен біріктіруге ұсынылған. (Талқылауы) |
Жанболат Башарұлы – (1949. Қарағанды облысы, Ақтоғай ауданы) - тележурналист.[1]
Арғын тайпасының Тобықты руынан шыққан.
ҚарМУ-ді бітірген.
Еңбек жолын қатардағы жұмысшыдан бастаған. Балқаш қалалық студиясының редакторы, аға редакторы қызметтерін атқарды. Балқаш кен-металлургия комбинатының Шығыс Қоңырат, Қоңырат кеніштерінен «Кенші көкжиегі», «Жұмысшы әулеті» атты тележурналдары республикалық телеарнада көрсетіліп, жоғары бағаға ие болды. Алғаш рет «Қос тіл - қос қанатың» атты хабар ұйымдастырып, туған тіліміздің толғақты мәселелерін көтеріп, ұлттық балабақшалардың ашылуына ұйытқы болды. Республикалық «Қазақ тілі» қоғамының алғашқы құрылтайына Балқаштан делегат ретінде қатысты. Қалалық «Қазақ тілі» қоғамының төрағасы болып еңбек етті.
Оның қаламынан «Үкілі үміт», (1999); «Далам менің - кием менің», (2001); «Көкше көлдің самалы», (2004); «Самғау», (2006) шығармалар жинағы жарық көрген. Халық ақыны Шашубай Қошқарбайұлының өмірімен, творчествосын зерттеп, «Шашубай» (1990) естеліктер жинағын құрастырған.
Қазақстан Журналистер одағының мүшесі. «Жылдың үздік редакторы» арнайы дипломымен марапатталған.
Дереккөздер[өңдеу | қайнарын өңдеу]
- ↑ Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б. ISBN 978-601-03-0070-5
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|