Жақия Исатаев

Жақия Исатаев (12.4.1922 жылы туған, Түркістан облысы, Қызылқұм ауданы) — еңбек және соғыс ардагері. Қазақстанның еңбек сіңірген зоотехнигі (1972). Шымкенттің мұғалімдер даярлайтын учщесін бітірген соң 1942 жылы майданға аттанған. Соғыста ауыр жарақат алып елге оралған, ауыл шаруашлығында еңбек еткен. 1950 жылы Мәскеу зоотехнологиялық институттын бітірген. 1952-82 жылы бұрынғы Тайпақ ауданның Қаракөл кеңшарында директор болып, мал тұқымын асылдандыруға зор үлес қосқан. Кеңшар қаракөлінің терісі Бүкіл одақтық халық шаруалар көрмесінде (Мәскеу) 4 алтын және 1 қола медаль жеңіп алған. Самарқанд қаласында (Өзбекстан) қаракөл қойын асылдаңдыру мәселелері бойынша 3-халықар. симпозиумға қатысқан. 1982 жылдан зейнеткер, Орал қаласында тұрады. Ленин және Еңбек Қызыл ту ордендерімен марапатгалған.