Жаңаауыл (Марқакөл ауданы)

Жаңаауыл
Әкімшілігі
Ел	ҚазақстанҚазақстан
Облысы	Шығыс Қазақстан
Ауданы	Марқакөл
Ауылдық округі	Боран
Тарихы мен географиясы
Координаттары	48°08′31″ с. е. 85°12′00″ ш. б.48.14194° с. е. 85.20000° ш. б. / 48.14194; 85.20000
Құрылған уақыты	1970
Бұрынғы атаулары	Шегір
Уақыт белдеуі	UTC+5:00
Тұрғындары
Тұрғыны	▼204 адам (2021)
Ұлттық құрамы	қазақтар
Конфессиялар	Мұсылмандар
Этнохороним	жаңаауылдық
Сандық идентификаторлары
Телефон коды	+7 7743
Автомобиль коды	16
Жаңаауыл Жаңаауыл
Жаңаауыл шекарасы

 Басқа мағыналар үшін Жаңаауыл деген бетті қараңыз.

Жаңаауыл — Шығыс Қазақстан облысы Марқакөл ауданы, Боран ауылдық округі құрамындағы ауыл.

Географиялық орны

Аудан орталығы – Марқакөл ауылынан оңтүстік-батысқа қарай 54 км жерде.

Тарихы

Алғашында ауылдың орнында "Шегір" атты шағын елді мекен болған. 1970 жылы Мұсахан, Бажанай сияқты жерлердегі шағын бірнеше үйлер Шегір ауылымен бірігіп үлкен ауыл құрылады. Жаңа құрылған ауыл Жаңаауыл аталады. Жаңаауыл Қалжыр өзенінің оң жағалауында, Бөкенбай тауының оңтүстігінде орналасқан. Ежелден Қожамбет руы жайлаған. Кеңес дәуірінде бұл өлкеде Ысқақ атты бай болған. Ол кәмпеске кезінде Қытайға өтіп кеткен. Кедей шаруалардың көпшілігі Ысқақ байдың қол астында жалшылықта болған. ҰОС жылдары Жаңаауыл ауылы оқиғалардан шет қалған жоқ. Ауылдан 110 ға жуық адам соғысқа аттанды. Жаңаауыл ауылы кеңес дәуірінде үлкен ауыл болды. Ең алғаш болып Боран ауылдық округінде мектеп-интернат Жаңаауыл ауылына салынды. Кейіннен ауылдың маңыздылығы төмендей бастады.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
508	▼442	▼204	46,2	232	▼110	47,4	210	▼94	44,8

Ауылда халық санының жылдан жылға төмендеуі байқалады. Халық санының төмендеуіне тұрғындардың жаппай қалаға көшуі әсер етті.

Төтенше жағдай

2011 жылы Жаңаауыл ауылында төтенше жағдай орын алды. Ауылдың дәл маңынан ағатын Қалжыр өзені қатты аяз салдарынан қатып, өзеннің арналарын толтырып тастайды. Соның салдарынан пайда болған қызыл су арнадан асып ауыл маңына жақындайды. Ауылдың өзенге жақын тұсындағы үйлердің қора-жайы, айналасы судың астында қалады. Бірнеше үйлер эвакуацияланады. Шығыс Қазақстан ТЖМ қызметкерлері ауыл тұрғындарымен бірлесіп жергілікті арналарды аршып, бітелген мұздан тазартады. Жұмысқа ондаған ауыр техника жұмылдырылды. Жағдайды Күршім ауданының әкімі Алтайбек Сейітұлы Сейітовтың өзі қадағалады..