Жүкен Базарбаев

Жүкен Базарбаев (1.1.1938. Семей облысы, Мақаншы ауданы Жидебай ауылы) – тележурналист, заңгер. ҚазМУ-ды бітірген (1963). 1959-69 жылдары Мақаншы аудандық "Қызыл жұлдыз" газетінде әдеби қызметкер, бөлім меңгерушісі, редакцияның жауапты хатшысы, бас редактордың орынбасары. 1970 жылы Семей облысының телерадио комитетінде аға редактор, 1971-77 жылдары КазТАГ-тің Семей облысы бойынша меншікті тілшісі, Павлодар облысыысыныңқоғамдық-саяси білімдер тарату жөніндегі "Білім" қоғамының референті, 1979 жылы зейнеткерлікке шыққанға дейін Қазақ теледидарыныңқоғамдық-саяси хабарлар бас редакциясында редактор, бөлім меңгерушісі, бас редакциясын орынбасары қызметтерін атқарды. Насихат редакциясында түрлі салалар бойынша бағдарламалар даярлап, эфирге берді. Атап айтқанда "Коммунист жәнеуақыт", "Ауыл тынысы", "Жұмысшы экраны", "Халықаралық шолу", "Бетпе-бет", "Адам, қоғам, заң", "Жебе" сатиралық тележурналдары республикалық экраннан тұрақты беріліп келді. Республика тұрғындарының құқықтық мәселелерін, елімізде алғаш қабылданған Тіл туралы заңды насихаттауды, құқық қорғау – сот, проқуратура, адвокатура салалары бойынша қоғамымыздағы дамып келе жатқан демократиялық үрдістерді тиянақты түрде тұрақты беріп отырған, ай сайын шығатын "Адам, қоғам, заң" тележурналын 15 жыл бойы үздіксіз жүргізді. 1995 жылы референдум бойынша қабылданған ҚР-ның Конституциясы еліміздің азаматтарыныңқұқықтарын одан әрі негіздей түсті. Осы Ата заңымыздың мән-мағынасын бүкілхалықтық талқылауға, конституцияның әр баптарын насихаттауда "Адам, қоғам, заң" циклды хабары көгілдір экран арқылы елеулі үлес қосты. Отанымыздың Конституциясының қабылданған күні 30 тамыз еліміздің тарихына алтын әріппен жазылды. Қазақстан Журналистер Одағының С.Әшімбаев атындағы сыйлығының лауреаты (1993). 1989 жылы КСРО Ішкі істер министрінің "Үздік насихатшы" белгісімен, ҚР ІІМ-ніңжәне Бас проқуратураның Құрмет грамотасымен марапатталған. КСРО және Қазақстан Журналистер Одағының мүшесі (1970).