Жүсіпәлі Ермұхамедұлы Нұршанов

Уикипедия — ашық энциклопедиясынан алынған мәлімет
Jump to navigation Jump to search

Жүсіпәлі Ермұхамедұлы Нұршанов [1](1896, бұрынғы Сырдария облысы Әулиеата уезді Шұңғыл болысы, Жалғызтал мекені – 1938) – қайраткер, саяси қуғын-сүргін құрбаны.

Толығырақ[өңдеу]

1912 жылы Әулиеата[2] қалалық училещесін бітірген. 1912 – 28 жылдары Меркеде, Әулиеата уездік комитеінде, уездік төтенше комиссияда, Шымкент қаласында басшы қызметтерде болды. 1928 – 32 жылдары Арал балық тресінің төрағасы, Қазақ халық шаруашылығы орталық кеңесі төрағасының орынбасары, Қазақ өлкелік жабдықтау кеңсесінің директоры, “Қазақэнергоқұрылыс” тресінің басқарушысы, Қазақ АКСР-і жабдықтау халық комиссары қызметтерін атқарды. 1932 – 37 жылдары Солтүстік-Каспий балық тресті басқармасының, “Ембімұнай” бірлестігі басқарушысының орынбасары, Гурьев округтік атқару комитетінің төрағасы, Орал облысы тамақ өнеркәсібі бөлімінің бастығы, Шығыс Қазақстан облысы халық шаруашылығы есебі басқармасының бастығы болды. 1937 жылы қазанда тұтқындалып, ату жазасына кесілді. 1958 жылы наурызда ақталды.

Сілтемелер[өңдеу]

Дереккөздер[өңдеу]

<references>


  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том
  2. Қазақстанның халық комиссарлары (1920 – 1946), А., 2004