Жұмабек Сапаралиев
Жұмабек Сапаралиев (20.9. 1940, Жамбыл облысы Байзақ ауданы Сухамбаев атындағы ұжымшар – 8.12.2002, Тараз қаласы) – қоғам қайраткері, экономист, ауыл шаруашылығы өндірісінің ұйымдастырушысы.[1]
Өмірбаяны[өңдеу | қайнарын өңдеу]
Жамбыл есеп-статистика техникумын (1959), Целиноград ауыл шаруашылығы институтын бітірген (1977). 1959 – 63 жылы Жамбыл облыстық кинофильмдерді прокаттау кеңесінде бағдарлама құрастырушы, Свердлов ауданы мемлекеттік статистика бөлімінің инспекторы, 1963 – 66 жылы әскер қатарында қызмет етті, 1966 – 77 жылы Жамбыл облыстық статистика басқармасында ауыл шаруашылығы статистикасы бөлімінің экономигі, аға экономисті, бөлім меңгерушісі, басқарма бастығының орынбасары, 1978 – 82 жылы Свердлов ауданы «Ровненский» кеңшарының бас экономисі, 1982 – 86 жылы облыстық ауыл шаруашылығы басқармасы бастығының орынбасары, 1986 – 93 жылы Жамбыл облыстық агроөнеркәсіп комитеті төрағасының орынбасары, бірінші орынбасары, 1993 – 94 жылы облыстық қаржы басқармасының бастығы, 1994 – 2002 жылы Жамбыл облысы әкімінің орынбасары. Ж.Сапаралиев Жамбыл облысының ауыл шаруашылығы экономикасын өркендетуге үлкен еңбек сіңірді.
Жетістіктері[өңдеу | қайнарын өңдеу]
«Құрмет Белгісі» орденімен (1971), медальдармен марапатталған.
Сілтемелер[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Тараз энциклопедиясы
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |