Зейнеп Уәлиханова

Уәлиханова Зейнеп (шамамен 1812 жылы туған, Баянауыл елді мекені – 1880-жылдардың соңы, Сырымбет қонысы) – Шоқан Уәлихановтың анасы. Белгілі Баянауыл биі Шорман Күшіковтің қызы, Баянауыл округінің аға сұлтаны Мұса Шормановтың апасы. Уәли ханның жесірі Айғаным оны өзінің ұлы Шыңғыс сұлтанға айттырады. Зейнептен 7 ұл (Шоқан, Жақып, Мақы, Махмет, Ахмет, Қозыке, Қоқыш), 2 қыз (Ұрқия, Рахия) туылады. Уәлиханова көрікті әрі ақылды, сонымен қатар тәкәппар әрі әміршіл болған. Шоқанның демократиялық көзқарасының қалыптасуына көп ықпал еткен. Шыңғыс Уәлихановпен бірге 1850 – 1960 ж. Көкшетау қаласында тұрған.