Уәлиханов қонысы

Уәлиханов қонысы

Уәлиханов қонысы — тарихи мекен-жай; Солтүстік Қазақстан облысы Айыртау ауданының Сырымбет аумағында орналасқан.

Уәлиханов қонысы республикалық деңгейдегі сәулет өнері ескерткіші саналады. Ол кезінде Ш.Ш.Уәлихановтың әжесі Айғанымның құрметіне арналып салынған. Уәлиханов өзінің балалық шағын өткізген, Омбы қаласындағы кадет корпусында оқып жүрген жылдары дем алуға келіп, ал 1862–64 ж. осында тұрған. Сол жылдары қыстауда ақындар айтысы өтіп, әнші-күйшілер өнер көрсеткен, орыс шенеуніктері, саяхатшылар мен ғалымдар, олардың қатарында Г.Н.Потанин де қонақ болған. Уәлиханов қонысы қазақ даласында ағартушылық идеяларды таратуда және халықтың мәдени мұрасын насихаттауда едәуір рөл атқарған. Қазан төңкерісінен кейінгі жылдары әбден тозып, талан-таражға түскен қоныс Уәлихановтың туғанына 150 жыл толумен байланысты қайта қалпына келтірілді. Қазіргі уақытта қыстау орнында Сырымбет а. орналасқан.