Иванна Орестовна Климпуш-Цинцадзе

Иванна Орестовна Климпуш-Цинцадзе
Іванна Орестівна Климпуш-Цинцадзе
Туған күні	7 шілде 1972 (1972-07-07) (52 жас)
Туған жері	Киев, Украина КСР
Білімі	Драгоманов атындағы Ұлттық педагогикалық университеті, Шевченко атындағы Киев ұлттық университеті
Партиясы	Еуропалық ынтымақтастық партиясы
Мансабы	саясаткер, қоғам қайраткері
Әкесі	Орест Дмитриевич Климпуш
Жұбайы	Арчил Цинцадзе
Балалары	София, Мелания
Қолтаңбасы
Иванна Орестовна Климпуш-Цинцадзе Ортаққорда

Иванна Орестовна Климпуш-Цинцадзе (укр. Іванна Орестівна Климпуш-Цинцадзе 7 шілде 1972 жыл, Киев, Украина КСР) — украин саясаткері, Украинаның халық депутаты (2019 және 2014-2016 жж.). 2016 жылғы 14 сәуірден 2019 жылғы 29 тамызға дейін Украинаның еуропалық және еуроатлантикалық интеграция жөніндегі вице-премьері. VIII шақырылымдағы Украина халық депутаты (2014-2016).

Отбасы

Иванна Климпуш-Цинцадзе Киевтің тумасы. Күйеуі Арчил Владимирович ордендермен және медальдармен марапатталған. Кезінде Грузияның Украинадағы уақытша сенімді өкілі болған. Грузин полковнигі, әскери дипломат, Сухумидегі соғыс қимылдарына қатысушы. Қазір күзет ісімен айналысады.

Ата-анасы: анасы - Ярослава, әкесі - Орест Дмитриевич Климпуш, дипломат, инженер, украин саясаткері. Атасы Дмитрий Иванович Климпуш - Карпат Сичиінің («Карпа́тська Січ») бас қолбасшысы, әскери қолбасшы, украин ұлтшылы, Закарпатьеде туған.

Ерлі-зайыптылардың екі баласы бар: София мен Мелания, арасында төрт жас айырмашылығы бар.

Өмірбаяны

1972 жылы 7 шілдеде Киев қаласында туған. 1992 жылы Гарвард университеті, АҚШ, Гарвард Украина ғылыми-зерттеу институтының жазғы мектебінде курстан өтті. 1994 жылы Драгоманов атындағы Ұлттық педагогикалық университетін дефектология және логопед мамандығы бойынша бітірді. 1993-1994 жж Монтана мемлекеттік университетінде (АҚШ) халықаралық қатынастар және халықаралық құқық мамандығы бойынша оқыды. 1998 жылы Шевченко атындағы Киев ұлттық университетінің халықаралық қатынастар институтын «Халықаралық қатынастар» мамандығы бойынша үздік бітірді.
Ағылшын, грузин, поляк және венгр тілдерін еркін меңгерген.

Қызметі

1191 жылдан 1993 жылға дейін Старокиев ауданының балалар аумақтық медициналық бірлестігінде логопед болып жұмыс істеді.
1994 жылдан 1999 жылға дейін ол бір емес бірнеше жобаның менеджері, сондай-ақ Украинаның тәуелсіз саяси зерттеулер орталығының халықаралық байланыстар бөлімінің бастығы болды.
1998 жылы Шығыс-Батыс институтының Киев орталығында жоба жетекшісі болып, 2002 жылға дейін жұмыс істеді.
2002 жылы Вашингтон мен Тбилисидегі BBC радиосының украин қызметінде тілші қызметін атқарды. Иванна бұл қызметті 2007 жылға дейін атқарды.
2007 жылы директордың бағдарламалар жөніндегі орынбасары қызметіне тағайындалды және бұл қызметте 2009 жылға дейін қалды.
2009 жылы «Украинаның халықаралық ынтымақтастығын қолдау қоры» (халықаралық қайырымдылық ұйымы) директоры қызметін атқарды. 2 жылдан кейін, 2011 жылы Иванна 2004 жылы олигарх Виктор Пинчук негізін қалаған Ялта Еуропалық Стратегиясының қайырымдылық ұйымының директоры қызметін атқарды.

Қоғамдық-саяси қызметі

Семинар: «Украинаның қауіпсіздік және қорғаныс секторының білім беру ұйымдарында гендерлік құрамды есепке алудың орындылығы мен мүмкіндіктерінің негіздемесі»

Климпуш-Цинцадзе үнемі басқа бірлестіктермен ынтымақтастықта болды. «Украина медиа орталығы» және «Аспен-Украина түлектері қауымдастығы» қоғамдық ұйымдарының басқарма мүшесі болып сайланды. «Экономикалық зерттеулер және саяси консультациялар институты» үкіметтік емес ұйымының бақылау кеңестерінің мүшесі болды.
«Қара теңіз аймағы: ынтымақтастық және қауіпсіздік» кітабының бірлескен авторы.

Раданың 8-ші шақырылымдағы Украина Жоғарғы Радасының Халықаралық істер жөніндегі комитеті төрағасының бірінші орынбасары болып жұмыс істеді, Украина Жоғарғы Радасының НАТО Парламенттік Ассамблеясындағы тұрақты делегациясын басқарды. Сонымен қатар, ол «Украина – ЕО» парламентаралық достар тобын, Грузиямен парламентаралық байланыстар тобын басқарды, АҚШ-пен парламентаралық байланыстар жөніндегі топ тең төрағасының бірінші орынбасары болды.

2019 жылдан бері ол Зеленскийдің және оның командасының тұрақты қарсыласы болды. Еуропалық Ынтымақтастық партиясының тізімі бойынша 9-шақырылымдағы Радаға сайланғаннан кейін Климпуш-Цинцадзе ЕО-ға интеграция мәселелерімен айналысуды жалғастыруда және Путинге кез келген жеңілдіктерге белсенді түрде қарсылық білдіреді.

Иванна Климпуш-Цинцадзенің еуропалық интеграциядан басқа, Украинадағы гендерлік теңдік мәселелерін шешу мәселесімен айналысты. Оның бұл мәселедегі белсенділігі Еуроодақ стандарттарына үгіттеуден емес, терең ішкі сенімнен туындады. Сондықтан 2017 жылдан бастап, үкімет гендерлік теңдікті өзінің басым бағыттарының бірі деп атаған кезден бастап, ол министрлер кабинетінде осы жұмыс саласына жауапты бірінші тұлға болды.