Илиев Әхмәт

Илиев Әхмәт— соғыс және еңбек ардагері, 1911 жылы 12 ақпанда Талдықорған облысы, Панфилов ауданының Садыр селосында туған. 1934 жылы Кеңес құқығының 2 жылдық курсын тамамдап, 1938 жылға дейін алғаш Панфилов, кейін жаңа ашылған Ұйғыр ауданында сот болып істейді. Одан кейін Шелек селосында мугалім, кейіннен мектеп директоры .

1942 жылы тамызда Армияға шақырылып, 1943 жылдың каңтарынан бастап генерал Баграмян жетекшілік еткен 16 екпінді армияның 539 полкінде взвод командирі болып соғысқа қатысады. Могилов түбіндегі шайқаста қатты жарақат алып, госпиталда жатып, жазылған соң тагы да жаяу әскерлер шебінде майданға аттанып, соғыс қимылдарына пулеметшілер взводының командирі ретінде қатысады.

1946 жылы тамыз айында запасқа шығарылып, КСРО астанасы Мәскеу қаласындағы Шығыстану институтына ұйғыр тілінің оқытушысы ретінде қызметке орналасады.

1954 жылы Халықаралық қатынастар институтының түрік-үйғыр факультетіне аға оқытушы болып ауысады. 1946—1962 жылдар аралығында Мәскеуде қызмет істеген кезінде, өзінің негізгі жұмысымен қатар "Совинформбюрода" саяси әдебиеттерді үйғыр тіпіне аударумен де шұғылданған.1962 жылы отбасы жағдайына орай Алматыға қайтып оралады және "Мектеп" баспасында ұйғыр оқулықтары бойынша Бас редактордың орынбасары болып қызмет істейді. 1966—1977 жылдар аралығында, яғни зейнетке шыкқанға дейін бөлім меңгерушісі болып істейді. "ұйғыр тілінің емле сөздігі" және "Русско-уйгурский школьный словарь" сөздіктерінің авторы, тәжірибелі аудармашы.