Интернационализмдер

Уикипедия — ашық энциклопедиясынан алынған мәлімет
Jump to navigation Jump to search

Интернационализмдер[1] — сыртқы тұлғасы жағынан бірдей, мағынасы жағынан толық не жартылай сәйкес келетін, ғылым, техника, саясат, мәдениет, өнер саласындағы халықаралық ұғымдарды білдіретін, әр түрлі тілде, оның ішінде туыс емес тілдерде, қолданылатын сөздер.

Интернационализмдер әдетте Еуропа, Америка, Азия елдерін қамтитын үлкен ареалдарға тараған. Интернационализмдердің ішінде неғұрлым жақсы зерттелгені — негізгі қоры классикалық грек, латын сөздерінен тұратын "еуропеизмдер". Бірақ казіргі тілдерден еніп, халықаралық қолданысқа түскен сөздер де аз емес: нидерланд тілінен — теңіз терминдері, итальян тіліненмузыка терминдері, ағылшын тіліненспорт терминдері т.б.; жана интернационализмдер орыс тілінде жасалып (спутник, совет, ленинизм т.б.), әлемнің көптеген тілдеріне енді. Әлеуметтік-экономикалық процестердің, ғылыми-техникалық, мәдени байланыстардың күшеюіне байланысты И. қоры 20 ғасырдан бері дамып келеді.[2]

Дереккөздер[өңдеу]

  1. Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3
  2. Тіл білімі терминдерінің түсіндірме сөздігі — Алматы. «Сөздік-Словарь», 2005 жыл. ISBN 9965-409-88-9