Ирланд теңізі

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Лландиднодағы Ирланд теңізі

Ирланд теңізі - Атлант мұхитының шеткі теңізі, шығысындағы Ұлыбритания, батысындағы Ирланд аралдарының аралығында, мұхитпен Солтүстік бұғаз (солтүстік жағынан), Әулие Георг бұғазы (оңтүстік жағынан) арқылы жалғасады.

Тереңдігі 272 м-ге жетеді. Түпкі шөгінділері - малта тас, құм, тұнба. Ірі аралдары - Мән және Англси. Жағалары кішігірім шығанақтармен, қойнаулармен тілімделген. Жыл бойы батыстан жел соғады. Қыста теңіз дауылдары жиі болады. Суының температурасы ақпанда 5 С градустан - 9 С градусқа дейін, тамызда 13 С - 16 С градус. Тұздылығы 32 промилледен 34, 8 промиллеге дейін. Беткі ағысы - айналмалы ағыс. Жарты тәулікте бір көтеріледі (биіктігі 1 - 2 м ден 6 м -ге дейін). Теңізден балық (май шабақ, килька, треска) ауланады. Ірі порттары - Ливерпуль (Ұлыбритания) және Дублин (Ирландия).

Дереккөздер[өңдеу]