КТК (телеарна)

Уикипедия — ашық энциклопедиясынан алынған мәлімет
Jump to navigation Jump to search
КТК «Коммерциялық телевизиялық арна» АҚ
KTK-LOGO.jpg
Құрылған жылы 2 қараша 1990 жыл (сынақ таратылымын)
20 ақпан 1991 жыл (ресми хабар тарату)
Иесі Джамилова Эльмира Нариманқызы[1]
Ұраны Біз КТК көреміз!
Мемлекеті Қазақстан
Веб-сайты ktk.kz

КТК «Коммерциялық телевизиялық арна» АҚ - тұңғыш қазақ тіліндегі ақпараттық бағдарлама «Бір күн» деген атпен 1998 жылдың тамыз айында өз жұмысын бастады.[2]

Тарихы[өңдеу]

КТК телеарнасында тұңғыш қазақ тіліндегі ақпараттық бағдарлама «Бір күн» деген атпен 1998 жылдың тамыз айында шыққан. Бір айдан кейін «Күндерек» деп аталды. 2000 жылдан бастап «Күндеректің» сапасы арта түсіп, телекеңістікке жаңадан «Шарайна» ақпараттық-сараптамалық бағдарламасы келіп қосылды. Бұл хабардың сол кезде жаппай шығып жатқан апталық сараптамалық телебағдарламалар арасында өзіндік ерекшелігі болды.

2002 жылы тамыз айында публицистикалық «Ел-жұрт» бағдарламасы шыға бастады. Ерекшелігі - халық өз жағдайын өз аузымен еш боямасыз айтып беруге мүмкіндік алды. Ал 2003 жылдың наурыз айынан «Ел-жұртты» Оразәлі Баймұрат жүргізе бастады. Хабар 2006 жылы «Алтын жұлдыз» сыйлығын иеленді. Бұл бағдарлама 2007 жылдың сәуіріне дейін тұрақты түрде шығып тұрды.

«Қоғамдық қабылдау», «Қылмыс-ақпарат», «Алақан» хабарлары да көрерменнің ерекше ықыласына бөленді.

«Миллион кімге бұйырады?» хабары арқылы танымал болған Ескендір Сіргебаев түнгі «Шамшырақ» бағдарламасын жүргізді. Қазіргі тележұлдыз Нұрлан Қоянбаевтың қатысуымен «Қызық радио» әзіл-сықақ хабары шығып тұрды. Одан кейін Қазақстан КВН одағының президенті Есен Елеукен «J-club», «Анда-санда» әзіл-сықақ бағдарламаларын шығарды.

2007 жылғы жаңа телемаусымда Срайыл Смайылдың жетекшілігімен жаңа бағдарламалар: «Алаң жұрт» ақпараттық-сараптамалық, «Өз сөзім» авторлық хабары шықты.

Бірегей жоба – «Репортер» 2008 жылдың наурыз айында жарық көрді. Бағдарлама жүргізушілері – Гүлмира Әбіқай және Асқар Махмұтұлы 2008 жылы Қазақстан Журналистер одағының сыйлығына ие болды.

КТК-ның бірнеше жыл қатарынан «Жыл телеарнасы» атануына қазақ хабарларының қосқан үлесі мол. «Күндерек» ақпараттық бағдарлама 2009 жылдың басынан «Жаңалықтар» деп аталды. 2017 жылы қыркүйек айында "Аптап" деген атпен қпараттық-сараптамалық қорытынды бағдарлама жарық көрді. Жүргізушісі - Серік Жанболат. 2017 жылы күзде эфирге "Дау-дамайсыз" - әлеуметтік-публицистикалық жоба шықты. Жүргізушілері: Гүлмира Әбіқай, Жәзира Бегалы.

Басшылық[өңдеу]

  • Джамилова Эльмира Нариманқызы - Бас директор
  • Меркеев Дәурен Сұлтанұлы — Бас директордың орынбасары
  • Подойников Александр - Ақпараттық бағдарламалар дирекциясының директоры
  • Деонисьева Евгения Леонидовна — Коммерциялық қызметтің директоры
  • Фазылжанова (Крылова) Наталья Валерьевна — Меншікті бағдарламалар дирекциясының директоры
  • Уәлиева Айман Бақтиярқызы — Бағдарлама қызметінің директоры
  • Ұлбөпе Жұмабаева — Шеф-редактор
  • Ербол Сейілхан — Астана бюросының директоры

Сiлтемелер[өңдеу]

Дереккөздер[өңдеу]

  1. КТК
  2. КТК телеарнасының ресми веб-сайты