Карлос Вела

Карлос Вела
Жалпы мағлұмат
Толық аты	Карлос Альберто Вела Гарридо
Туған күні	1 наурыз 1989 (1989-03-01) (35 жас)
Туған жері	Канкун, Мексика
Азаматтығы	Мексика Испания
Бойы	177
Салмағы	75
Позиция	шабуылшы
Клуб жайлы ақпарат
Клуб	Лос-Анджелес
Номері	10
Жастар клубы 2002—2005 Гвадалахара Клуб карьерасы 2005—2012 Арсенал (Лондон) 29 (3) 2006 →  Сельта 0 (0) 2006—2007 →  Саламанка 31 (8) 2007—2008 →  Осасуна 33 (3) 2011 →  Вест Бромвич Альбион 8 (2) 2011—2012 →  Реал Сосьедад 35 (12) 2012—2017 Реал Сосьедад 183 (54) 2018— Лос-Анджелес 5 (4) Ұлттық құрамы 2005 Мексика-17 8 (5) 2007 Мексика-20 8 (0) 2007— Мексика 63 (18)

Карлос Альберто Вела Гарридо (ис. Carlos Alberto Vela Garrido; 1 наурыз1989, Канкун, Кинтана-Роо, Мексика) — мексикалық футболшы, «Лос-Анджелес» футбол клубы мен Мексика Ұлттық футбол құрамасының шабуылшысы.

Карьерасы

Клубтық

2002 жылдан "Гвадалахара" командасының жастар клубында ойнай бастады. Оның бойындағы талантты байқаған Еуропаның бірнеше топ-клубтары Веланы өздеріне қосып алуға әрекеттенеді де, Лондонның "Арсенал" клубы бәрінен жылдамдық жасап, 2005 жылы 16 жасында-ақ Веланы сатып алады. 2012 жылға дейін "Арсеналға" тиесілі футболшы болғанымен, түрлі клубтарға жалға беріліп жатты.

2005-08 жылдары Испанияның "Сельта", "Саламанка", "Осасуна" клубтарында доп теуіп, 2008/09 жылғы маусымның қарсаңында "Арсеналға" қайта оралды. 2008 жылы 30 тамыз күні "Ньюкаслға" қарсы ойында тұңғыш рет лондондық клуб сапында ресми ойында алаңға шықты. Тұңғыш голын сол жылы 23 қыркүйек күні Англия кубогында "Шеффилд Юнайтедтің" қақпасына соқты.

2011/12 жылғы маусым қарсаңында "Реал Сосьедадқа" жалға кетті. Бір маусымнан соң испандық клуб Веланы түпкілікті өздеріне қосып алды да, "Арсеналдан" біржола қол үзді. "Реал Сосьедадта" бес маусым табан аудармай ойнап, 2017 жылы "Лос Анджелес" клубына ауысты.

Құрама

Ұлттық құрамада 2007 жылдан бері ойнап келеді. 2010, 2018 жылғы әлем чемпионатына барған 23 мексикалық футболшының тізіміне ілікті. 2018 жылғы әлем чемпионатының екінші турында Оңтүстік Кореяның қапасына гол соғып есеп ашты. Бұл ойында Мексика 2:0 есебімен жеңіске жетті.

Жетістіктер

Командалық

• Жастар арасындағы (17) әлем чемпионы: 2005
• КОНКАКАФ кубогы: 2009

Жеке

• Жастар арасындағы әлем чемпионатының мергені: 2005

Сілтемелер

• Профилі Мұрағатталған 24 тамыздың 2010 жылы.