Мексика Ұлттық футбол құрамасы

Уикипедия — ашық энциклопедиясынан алынған мәлімет
Jump to navigation Jump to search
Мексика Ұлттық футбол құрамасы
Лақап аты үштүстілер (ис. El Tricolor, El Tri)
жасылдар (ис. La Verde)
Конфедерация КОНКАКАФ
Федерация Мексика футбол федерациясы
Бас бапкері Колумбия Хуан Карлос Осорио
Капитаны Рафаэль Маркес
Ең көп
ойын саны
Клаудио Суарес (177)
Үздік
бомбардир
Хавьер Эрнандес (48)
ФИФА рейтингі 16 (+1) (6 шілде 2017)[1]
ФИФА коды MEX
Форма
Негізгі
форма
Форма
Қонақтық
форма
Бірінші ойын
 Гватемала 2:3 Мексика Мексика
(Гватемала; 1 қаңтар 1923)
Ең ірі жеңіс
 Мексика 13:0 Багам Багам аралдары
(Толука, Мексика; 28 сәуір 1987)
Ең ірі жеңіліс
 Англия 8:0 Мексика Мексика
(Лондон, Англия; 10 мамыр 1961)

Мексика Ұлттық футбол құрамасы — халықаралық футбол жарыстарында Мексиканың атынан сынға түсетін ұлттық құрама команда. Солтүстік Америка құрлығындағы (КОНКАКАФ) ең жүлделі құрама. Өз тарихында ФИФА рейтингісінде 4-ші орынға дейін көтерілген кездері болған (1998, 2003. 2004. 2006).

Әлем чемпионатына 15 рет қатысқан. Әзірше ең жоғарғы көрсеткіші ширек финал ғана. Оған да өз жерінде өткен турнирлерде (1970, 1986) ғана қол жеткізген. 1994 жылдан бері Әлем чемпионатына үзбей қатысып келеді. КОНКАКАФ кубогының 10 дүркін жеңімпазы.

Тарихы[өңдеу]

Алғашқы матчын 1923 жылы Гватемалаға қарсы өткізіп, 2:3 есебімен жеңіліп қалған. 1930 жылғы алғашқы әлем чемпионатына қатысқан 13 құраманың бірі. Әлем Чемпионаттары тарихындағы алғашқы кездесуін Францияға қарсы өткізіп, 1:4 есебімен ұтылып қалды. 1934 жылғы турнирдің іріктеуінде АҚШ-қа жол берді — 2:4. Ал 1938 жылғы бәсекеге қатысудан өздері бас тартты.

Сосын 1950, 1954, 1958, 1962, 1966 жылдары әлем чемпионаттарына үздіксіз қатысып, топтық турнирден аса алмады. Осы аталған бес чемпионаттың бесеуіне де қақпашы Антонио Карбахаль қатысып, бес бірдей әлем чемпионатында ойнаған тарихтағы тұңғыш футболшы атанды (арада 32 жыл өткен соң, бұл рекордты неміс Лотар Маттеус қайталады). Бір айта кетерлігі, 1962 жылы чемпионаттың болашақ күміс жүлдегері Чехословакияны 3:1 есебімен ұтып, ӘЧ тарихындағы алғашқы жеңістеріне қол жеткізді.

1970 жылғы чемпионат Мексикада өтті. Мексикалықтар КСРО, Бельгия, Израиль құрамаларымен "А" тобына түсті. Өз алаңдарында ерекше жігермен ойнаған ацтектер тек КСРО-ны ғана ұта алмады. Бельгияны 2:1, Сальвадорды 4:0 есебімен тізе бүктірді. Бірақ ширек финалда Италия құрамасы бұларды ойсырата ұтты, 4:1. Осылайша Мексика жарысты аяқтады.

1974 жылғы чемпионатқа қатыса алмады. 1978 жылы ең аяғы турнир дебьютанты Тунистен де ұтылып, топта соңғы орында қалды.

1986 жылғы әлем семпионаты екінші рет Мексикада өтті. Өз топтарында тек Парагваймен ғана тең түсіп, Бельгия мен Иракты тізе бүктірген "қаһармандарымыз" 1/8 финалда Болгарияны да ұта алды — 2:0. Ширек финалда тағы да 1970 жылғы секілді болашақ күміс жүлдегерден — ГФР-ден жеңілді.

1994-2014 жылдары тұрақты түрде 1/8 финалға шығып тұрды, және тұрақты түрде жеңіліп жатты. 2017 жылы Ресейде Конфедерациялар кубогінде үшінші орын үшін таласта Португалияға жол беріп, 1:2 есебімен жеңіліп қалды.

Әлем чемпионаттарында[өңдеу]

Жылдар Раунд Ойын Ұтыс Тең Ұтылыс Соққан гол. Жіберген гол.
Уругвай 1930 1 раунд 3 0 0 3 4 13
Италия 1934 Қатысқан жоқ - - - - - -
Франция 1938 Бас тартты - - - - - -
Бразилия 1950 1 раунд 3 0 0 3 2 10
Швейцария 1954 1 раунд 2 0 0 2 2 7
Швеция 1958 1 раунд 3 0 1 2 1 8
Чили 1962 1 раунд 3 1 0 2 3 4
Англия 1966 1 раунд 3 0 2 1 1 3
Мексика 1970 1/4 4 2 1 1 6 3
Германия 1974 қатысқан жоқ - - - - - -
Аргентина 1978 1 раунд 3 0 0 3 2 12
Испания 1982 қатысқан жоқ - - - - - -
Мексика 1986 1/4 5 3 2 0 6 2
Италия 1990 қатысқан жоқ - - - - - -
АҚШ 1994 1/8 финал 4 1 2 1 4 4
Франция 1998 1/8 финал 4 1 2 1 8 7
Корея РеспубликасыЖапония 2002 1/8 финал 4 2 1 1 4 4
Германия 2006 1/8 финал 4 1 1 2 5 5
Оңтүстік Африка Республикасы 2010 1/8 финал 4 1 1 2 4 5
Бразилия 2014 1/8 финал 4 2 1 1 5 3
Қорытынды 15/20 53 14 14 25 57 92

Дереккөздер[өңдеу]

Сілтемелер[өңдеу]