Сенегал Ұлттық футбол құрамасы

Сенегал Ұлттық футбол құрамасы
Лақап аты	Les Lions de la Teranga (Теранг арыстандары)
Конфедерация	КАФ
Федерация	Сенегал футбол федерациясы
Капитаны	Шейху Куяте
Ең көп ойын саны	Анри Камара (99)
Үздік бомбардир	Анри Камара (29)
ФИФА рейтингі	33 (22 желтоқсан 2016)
ФИФА коды	SEN
Формасы
Негізгі форма Қонақтық форма
Дагомея 3:2 Сенегал (Кот-д’Ивуар; 31 желтоқсан, 1961 жыл)
Сенегал 6:0 Мавритания (Сьерра-Леоне; 13 ақпан, 1984 жыл)
Гвинея 5:0 Сенегал (Гвинея; 23 тамыз, 2017 жыл)
Футболдан әлем чемпионаты
Қатысу	Футболдан әлем чемпионаты (бірінші 2002)
Жетістіктері	1/4 (2002)
Африка Ұлттары Кубогы
Қатысу	Африка Ұлттары Кубогы (бірінші 1966)
Жетістіктері	Чемпион, 2021

Сенегал Ұлттық футбол құрамасы — халықаралық футбол турнирлерінде Сенегалдың намысын қорғайтын ұлттық құрама. ФИФА және КАФ мүшесі. 2002 жылғы Африканың күміс жүлдегері. 2002 жылы әлем чемпионатының 1/4 финалына дейін жетіп, Түркия құрамасынан қосымша уақытта ұтылып қалды. Басқарушы орган - Сенегал футол федерациясы.

Әлем чемпионаттарында

2002 жылғы әлем чемпионатында Франция, Дания, Уругвай құрамаларымен бір топқа түсті. Алғашқы ойын сол кездегі Еуропа және Әлем чемпиондары француздарға қарсы өтті. Сенегал сапында алаңға шыққан 11 футболшы да Франция клубтарында ойнайтын. 30-минутта Папа Буба Диоп гол соқты да, сенегалдықтар күтпеген жерде 1:0 есебімен жеңіске жетті. Келесі ойында бір ойыншысы кем болса да Даниямен тең ойнады - 1:1. Ең қызықты матч соңғы турда Уругвай құрамасымен өтті. Бірінші таймда-ақ сенегалдықтар 3:0 есебімен алға шықты. Бірақ екінші таймда шабуылды күшейткен Уругвай 88-минутта есепті 3:3-ке жеткізді. 90-минутта уругвайлық Дарио Родригес бос қалған қақпаны көздей алмады. Егер сол соққы гол болғанда, сенегалдықтар 1/8 финалға шыға алмас еді.

1/8 финалда Швеция құрамасын 2:1 есебімен ұтты. Сенегал сапынан екі допты да Анри Камара енгізді. Бірақ ширек финалда "Сенегал ертегісі" мәресіне жетті. Африкалықтар Түркия құрамасынан айласын асыра алмады - 0:1. Осы чемпионатта сенегалдық футболшы Эль-Хаджи Диуф турнирдің символикалық құрамына енді.

2006, 2010, 2014 жылдары Әлем чемпионатына қатыса алмады. Тек араға 16 жыл салып, 2018 жылғы Ресейде өтетін Әлем чемпионатына жолдама алды. Бұл жолы топтық турнирден аспады.

Құрама жайлы мәліметтер

• Алғашқы матчын 1961 жылы 31 желтоқсанда Кот-д'Ивуар құрамасына қарсы өткізіп, 2:3 есебімен ұтылып қалды.

Жетістіктері

• Африка Ұлттары Кубогы — Чемпион (2021)
• Амилькара Кабрал кубогы — Чемпион (1979, 1980, 1983, 1984, 1985, 1986, 1991, 2001)