Кахин

Кахин- сәуегей. Ислам діні таралғанға дейінгі кезеңде Арабияда қатты толқу жағдайда Тәңірмен немесе оның елшілері -періштемен немесе жынмен тілдесе алатын болыптымыс деген адам. Көшпеңді және отырықшы тайпалар, жекелеген адамдар К-нен өздері қабылдағалы тұрған әр түрлі шешімдерді айғақтап беруді өтінген. Кахиннің қатты қобалжу үстінде айтқан мағынасыз сөздері немесе ұйқаспен айтылған сөздері оның өзінің түсіндірме беруіне мәжбүр еткен. Типол тұрғыдан алғанда Кахин VII ғасырдағы араб Пайғамбарларының («жалған Пайғамбарлардың») бастамасы болған. Олардың бірқатары әуелі К. болған. Мұхаммед (с.а.у.) өзіне кие «қона» бастаған сәтте, өзім Кахинге айналып бара жатқан жоқпын ба деп қатты қауіптенген. Оның көптеген тайпаластары да Мұхаммедті (с.а.у.) Кахин деп есептеді. Құранда келтірілген, Мұхаммед (с.а.у.) Кахин емес, сезгіш те емес, Аллаһ Тағала жіберген елші, Пайғамбар деген аят олардың бұл күдігіне жауап болса керек. Мұхаммед те, одан кейінгі мұсылман ғұламалары да Кахиннің құпия нәрсені білу қабілетін мойындаған: оған бұл құпияны көкте көп нәрсенің сырына қанған жындар хабар берген деп есептеген. Дегенмен, Аллаһ Тағаламен тікелей «байланысы» бар Мұхаммедтің (с.а.у.) елшілігі басталғаннан кейін К-ге сенушілердің қатары кеми түсті. Сондықтан хадистерде Кахин қызметіне жүгінуге қатаң тыйым салынған. Мұсылмандардың әулиелік туралы теориясының Кахинге о дүние сырын білетін әулиелерден кейінгі орын берілген.