Кевин Де Брёйне

Уикипедия — ашық энциклопедиясынан алынған мәлімет
Jump to navigation Jump to search
Кевин Де Брёйне Футбол
сурет
Жалпы мағлұмат
Туған күні

28 маусым 1991 (1991-06-28) (30 жас)

Туған жері

Дронген, Гент, Бельгия

Азаматтығы

Бельгия Бельгия

Бойы

181 см

Позиция

жартылай қорғаушы

Клуб жайлы ақпарат
Клуб

Англия Манчестер Сити

Номері

17

Жастар клубы
1997—1999 Бельгия Дронген
1999—2005 Бельгия Гент
2005—2008 Бельгия Генк
Клуб карьерасы[* 1]
2008—2012 Бельгия Генк 97 (16)
2012—2014 Англия Челси 3 (0)
2012—2013   Германия Вердер 33 (10)
2014—2015 Германия Вольфсбург 52 (13)
2015— Англия Манчестер Сити 180 (42)
Ұлттық құрамы[* 2]
2008—2009 Бельгия Бельгия-18 7 (1)
2009 Бельгия Бельгия-19 10 (1)
2011 Бельгия Бельгия-21 2 (0)
2010— Бельгия Бельгия 84 (22)
Марапаттары мен медальдары
Әлем Чемпионаты
Қола Ресей 2018
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 25 қыркүйек 2021 жылы.
  2. Ресми матчтарда ұлттық құрамда болған ойындары мен голдар саны, өңделді 2 шілде 2021 жылы.

Кевин Де Брёйне (нидерл. Kevin De Bruyne; 28 маусым 1991 жыл[1], Бельгия, Гент) — бельгиялық футболшы, "Манчестер Сити" клубы мен Бельгия Ұлттық футбол құрамасының жартылай қорғаушысы.

Клубтағы мансабы[өңдеу | қайнарын өңдеу]

Генк[өңдеу | қайнарын өңдеу]

Кевин Гент қаласында туылып, мансабын жергілікті "Гент" клубында 2003 жылы бастады. Екі жылдан кейін "Генк" клубының жастар құрамасында бастады. Алғаш рет негізгі құрам үшін 2009 жылы 9 мамырда "Шарлеруа" клубына қарсы ойнады. Келесі 2009/10 маусымда негізгі құрам ойыншысы атанды. 7 ақпанда алғаш голын "Стандардом" клубының қақпасына соқты. 2010/11 маусымында 32 матч өткізіп, 5 рет голмен ерекшеленді. Маусымның соныңда командамен Бельгия чемпионатын жеңіп алды.

Челси[өңдеу | қайнарын өңдеу]

2012 жылы 31 қаңтарда Де Брёйне "Челси" клубына ауысып, бес жарым жылдық келісімшартқа қол қойды. Келісім бойынша 2011/12 маусымының сонында Кевин Генк клубына оралады, бірақ жалға алу келісімі бойынша. 18 шілдеде алғаш матчын жолдастық ойын Сиэтл Саундерспен 14-ші номерде ойнады.

Вердер[өңдеу | қайнарын өңдеу]

2012 жылы 2 тамызда Челсидің ресми сайтында Кевиннің 2012/13 маусымды "Вердер" клубында жалға алу бойынша өткізетіні жарияланды. Кевин алғаш ойынын 24 тамызда Боруссия Дортмундқа қарсы өткізді. Алғашқы голын 15 қыркүйекте Ганновер клубына қарсы соқты. 18 мамырда соңғы матчын Нюрнберг клубымен өткізіп, дубль жасады. Барлығы Вердер үшін 33 матч ойнап, 10 гол мен 9 голдық пас шығарды.

Вольфсбург[өңдеу | қайнарын өңдеу]

Челсиге қайта оралғаннан кейін үнемі қосалқы ойыншы болып саналды, маусымның алғашқы жартысында 3 қана матч өткізіп, келесі жартысында қайта неміс чемпионатына оралды. 2014 жылы 18 қаңтарда Де Брёйнені "Вольфсбург" клубы 28 млн. евроға сатып алып, 2019 жылға дейінгі келісімшарт жасасты.

Манчестер Сити[өңдеу | қайнарын өңдеу]

2015 жылы 30 тамызда Англияға қайта оралып "Манчестер Сити" клубымен алты жылдық келісімшартқа отырды. Трансфер құны 74 млн еуроны құрады. "Қалалықтар" сапындағы бірінші ойынын 12 қыркүйекте "Кристал Пэлас" клубына қарсы өткізді. Ал 19 қыркүйекте "Вест Хэм Юнайтед"-ке қарсы алғашқы голын соқты.

2020 жылы Англия Премьер-лигасында үздік футболшы ретінде атанды.

2021 жылдың 7 сәуірінде клуб жартылай қорғаушымен келісімшартты ұзартты. Жаңа келісім 2025 жылдың жазына дейін күшінде болады.

Ұлттық құрамадағы мансабы[өңдеу | қайнарын өңдеу]

Де Брёйне Бельгияның жасөспірімдер құрамасында ойнады. 2010 жылы 11 тамызда жолдастық матч Финляндия құрамасына қарсы ойында, алғаш рет ұлттық құрама үшін өнер көрсетті. Бірақ құрамы жеңіліп, 1:0 есебімен ойын аяқталды.

2014 жылғы Әлем чемпионатында 4 матчта алаңға шығып, 1 гол мен 2 нәтижелі пас жасады.

Жетістіктері[өңдеу | қайнарын өңдеу]

Командалық[өңдеу | қайнарын өңдеу]

«Генк»
  • Бельгия чемпионы: 2010/11
  • Бельгия кубогы: 2008/09
  • Бельгия суперкубогы: 2011
«Вольфсбург»
  • Германия кубогы: 2014/15
  • Германия суперкубогы: 2015
«Манчестер Сити»
  • Англия чемпионы (3) : 2017/18, 2018/19, 2020/21
  • Англия кубогы: 2018/19
  • Лига кубогы (5): 2015/16, 2017/18, 2018/19, 2019/20, 2020/21
  • Англия суперкубогы (2): 2018, 2019
  • Чемпиондар лигасының финалисі: 2020/21

Жеке[өңдеу | қайнарын өңдеу]

  • Германия чемпионатының үздік футболшысы: 2013
  • Бельгия жыл спортшысы: 2015
  • Германия чемпионатының үздік асистенті: 2014/2015 (21 нәтижелі пас)
  • Германия жыл футболшысы: 2015
  • Англия чемпионатының үздік футболшысы: 2020

Дереккөздер[өңдеу | қайнарын өңдеу]

Сілтемелер[өңдеу | қайнарын өңдеу]