Кеден қоймасының кедендік режимі

Кеден қоймасының кедендік режимі (ағыл. customs regime of customs warehouse; нем. Zollverfahren ties Zollugers n) - Тауарлардың қауіпсіздігі жөніндегі талаптарды қоспағанда әкелінген тауарларды кедендік баждар, салықтар алмай және тарифтік емес реттеу шараларын қолданбай, кеден қоймасы мәртебесі бар арнайы үй-жайларда немесе орындарда кедендік бақылауда сақтауға арналған кедендік режим.

Кеден қоймасының кедендік режиміне, тізбесін Қазақстан Республикасының Үкіметі белгілейтін тауарларды қоспағанда, кез келген тауарлар орналастырылуы мүмкін.

Басқа тауарларға зиян келтіруі мүмкін немесе сақтаудын ерекше жағдайларын талап ететін тауарлар мұндай тауарларды сақтаудын талаптарына сәйкес жабдықталған кеден қоймаларына орналастырылуы тиіс.

Тауарларды кеден қоймасында сақтаудың мерзімін тауарларды кеден қоймасына орналастырушы тұлға белгілейді, бірақ ол тауарлар кеден қоймасының кедендік режиміне орналастырылған күннен бастап үш жылдан аспауы керек.

Сақтау, тұтыну және сату үшін шектеулі жарамдылық мерзімі бартауарлар өзге кедендік режимге мәлімделуі және аталған мерзімдер аяқталғанға дейінгі күнтізбелік алпыс күннен кешіктірілмей кеден қоймасынан әкетілуі тиіс.