Кедертас белдемдерінің шөгінділері

Кедертас белдемдерінің шөгінділері — мұхиттағы кедертас белдемі шөгінділерінің фациялық кешенінің құрамына кіреді:

а) пелагиалық биогендік окті фораминифер және кокколит шөгінділері;

ә) су асты денудациясының өнімдерінен тұратын сынықты шөгінділер;

б) су асты жанартау атқыламаларының өнімдері.

Кедертас белдемдерінің шөгінділері мұхит орталық жоталарының осьтік бөлігінде бедердің өте тілімденген, жоғары сейсмикалық белсенділік пен суасты вулканизм жағдайларында жаралады. Олардың қалыптасуында шөгінді массалардың суспензиялық ағындармен және су асты жылжымаларымен қайта түзілуі үлкен рөл атқарады.

Кедертас қалыптастырушылар (кедертас құрылысшылары)

Қаңқалары әктен тұратын, су алаптары түбіне жабыса өсуі нәтижесінде үймелеме күйде тіршілік ететін, қазба күйінде тірі кезіндегі қалпын сақтайтын организмдер жиынтығы; органогендік шөгінділердің өте тез жинақтала отырып, дербес кедертастар қалыптасуына жағдай жасайды; мұндай организмдер қатарына жататындар — маржандар, строматопоралар, майлышөптер, губкалар, көкжасыл және қанқызыл балдырлар. Бұл организмдер тек қана кедертастар қалыптастырып қоймай, қат-қабатты әктастар мен доломиттердің жеке-дара қабаттарын түзуі де ықтимал.

Кедертас шөгінділері

Маржан кедертастарының аумағында жаралатын карбонат шөгінділер кешені. Кешенге қазіргі монолит және басқа кедертас шөгінділері, олардың қираған қопсық өнімдері кіреді, олар теңіздің түбін, кедертастың сыртқы және ішкі жақтарынан жауып жатады.