Кездейсоқ таралу

Кездейсоқ таралу - тек бірегей ортаға тән құбылыс. Мысалы, егістіктерде зиянкес жәндіктердің таралуы алғашында кездейсоқ болғанымен бірте - бірте көбейе түсіп, топтану немесе шашыранды сипат алады. Организмдердің топтанып таралуы жиі кездеседі әрі кездейсоқ та болуы мүмкін. Мысалы, ормандарда қарағайлар алғашында топтанып кездессе, бірте - бірте біркелкі өсе бастайды. Өсімдіктердің таралуы спора, тұқым, жеміс арқылы жүзеге асады. Ал жануарлардың таралуы жылдам немесе баяу болуы мүмкін. Мысалы, жылдам таралу түлкі, бұғы, т.б. жануарларда жиі кездеседі. Баяу таралу көбінесе баяу қозғалатын жануарларға тән. Жылдам таралатын организмдерде шекаралық шектеу болмай қалады, ал баяу жүретін организмдерде айқын байқалатын шекаралық таралу аймақтары жиі кездеседі.