Келіншектау

Уикипедия — ашық энциклопедиясынан алынған мәлімет
Jump to navigation Jump to search

КеліншектауҚаратаудың теріскей жағында, қазіргі Таукент кентінің жоғарғы тұсындағы шатқалында тізбектеліп жатқан тау сілемдерін Созақ халқы – «Келіншектау» деп атайды. Тау сілемдері жүк артқан көшке ұқсайды. Көштің алдыңғы жағында атқа мініп, түйе жетектеген келіншек бейнесін байқауға болады.

«Келіншектау» туралы ел аузындығы аңыз[өңдеу]

Сонау ерте заманда Қаратау етегінде өмір сүрген атақты бір байдың Айсұлу есімді өте сұлу жалғыз қызы болыпты. Қыздың сұлулығы жан-жаққа тез тарап, қыз 15 жасқа келгенде айттырушылар тұс-тұстан ағыла бастапты. Перзентін өте жақсы көретін бай қызының қалауы бойынша ғана тұрмысқа шығатынын қатаң ескертіпті. Жігіттерді асықпай таңдаған қыз ақыры біреуіне тоқтап, әкесінен батасын сұрайды. Бай уәдесінде тұрып, қызына қырық күн тойын жасайды. Той өткен соң бай қырық түйеге жасауын артып, қызын жолға шығарады. Айсұлу ауылдан ұзап, Балдысу өзеніне келген кезде көшті тоқтатып, сандықтардағы жасауларын тексере бастайды. Барлық бұйымдары таза алтыннан жасалыпты да, тек жалғыз итаяғы ғана ағаштан жасалған екен. Бұған қатты ренжіген Айсұлу әкесіне тез адам жіберіп, итаяқты да алтыннан жасатуды талап етеді. Қызының мұнысына қатты ашуланған бай: «О, жақсылықты түсінбеген қасиетсіз қызым, тас бол!» – деп қарғаса керек. Сол замат Айсұлу да, шұбатылған көш те түгел тасқа айналып кеткен көрінеді. Сөйтіп бұл жер «Келіншектау» аталып кетіпті. [1] [2][3][4]

Дереккөздер[өңдеу]

  1. Тарихи ғұмыр, А., 1998
  2. Созақ елі, А., 2004
  3. Қазақ Энциклопедиясы
  4. Оңтүстік Қазақстан облысының энциклопедиясы, 4-том

Сыртқы сілтемелер[өңдеу]