Кино өнеркәсібі
Кино өнеркәсібі – фильмдер жасау, оларды көрсету, көбейтіп басу ісінде қолданылатын техникалық аспаптар мен жабдықтар өндіретін өнеркәсіп саласы (қысқаша Кино техникасы). Мыс., бұрынғы КСРО-да Кино өнеркәсібі кинотаспа жасап шығарумен қатар фотографияға, рентгендік түсіріске, медицинаға және ядролық зерттеуге қажетті арнайы таспалар, пластинкалар және фотоқағаздарды да өндіретін. Кино өнеркәсібінің екінші саласы – алуан түрлі аппаратуралар шығаратын зауыттар, оларда кино түсіргіш, кино көрсеткіш, дыбыс жазу, дыбыс есіттіргіш және жарық бергіш аспаптар мен оптиканы, сондай-ақ, түрлі-түсті пленкалар мен фото қағаздарды өңдейтін, фильм даналарын көбейтетін машиналарды жасайды. Үшінші саласы – фильм даналарын молайтатын ірі кино көшіру фабрикалары. Бұлар мыңдаған киноқондырғыларды жаңа шыққан фильмдермен, сондай-ақ, жаңартылған көне фильмдермен толық қамтамасыз ету мақсатында қызмет етеді. Қазақстандағы көркем фильм және деректі, ғылыми-көпшілік, мультипликалық фильмдер өндіретін, фильмдерді шет тілінен қазақ тіліне аударатын “Қазақфильм” киностудиясы, сондай-ақ, республиканың қалалары мен ауылдарында қызмет еткен киноқондырғылар әр алуан аппаратуралармен толық жабдықталған.[1]
Дереккөздер:[өңдеу | қайнарын өңдеу]
- ↑ Қазақ энциклопедиясы
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |