Клара Бәйметова
Клара Бәйметова – (1941. Көкшетау облысы, Көкшетау қаласы) - телережиссер. [1]
ҚазМУ-ды бітірген (1967).
Еңбек жолын Қазақ теледидарының «Шұғыла» шығармашылық бірлестігінде режиссер ассистентінен бастаған (1967). Әскери спорт редакциясының екінші категориялы режиссеры. Мәскеу қаласында өткізілген VIII Бүкілодақтық спартакияда жарыстардан тікелей трансляция режиссері, Швеция, Голландия, Германия, Норвегия, Финляндия және басқа қалаларда өткізілген жарыстардан берілген тікелей эфирдің режиссеры (1968-73). Ауыл шаруашылығы редакциясының, аса маңызды хабарлар комментаторлық тобының бірінші дәрежелі режиссеры (1973-76).
Мәскеу қаласында теледидар және радиохабарларын тарату қызметкерлері кәсіби білімін жетілдіру курсын «үздік» бағамен бітірген (1974). ҚР-ның Президенті Н. Назарбаевтың құттықтау сөздерін эфирге дайындау әрі бағдарламалар режиссеры (1997-98). Жиырма жылдық еңбегінде халықаралық денсаулық сақтау ұйымы конференциясына қатысқан Иранның Шах-Ин-Шағы мен Шахиниі Сорейин, АҚШ-тың сенаторы Роберт Кеннеди т.б. Еуропа, Африка, Латын Американдық өкілдерден алынған сухбаттарды, Алматы-Токио, Алматы-Мәскеу телекөпірлері мен әйгілі Екібастұз электр станциясының (ГРЭС) қалыптасуын жариялап отырған «Операция Ритм» хабарлар циклін, алаңнан берілетін мерекелік шерулерді дайындаған.
Дереккөздер
[өңдеу | қайнарын өңдеу]- ↑ Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б. ISBN 978-601-03-0070-5
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|