Константин Петрович Студенцов
Константин Петрович Студенцов(23.09.1906 жылы туған, Татар АКСР, Кокряти селосы) - қазақстандық мал дәрігері, мал дәрігерлік ғылымының докторы (1961). Қаз АКСР -нің еңбек сіңірген ғылым қайраткері (1961), 1944 жылдан КПСС мүшесі.
Өмірбаяны[өңдеу | қайнарын өңдеу]
Студенцов Қазан мал дәрігерлік институтын (1930) бітірген. Ол бұрынғы Петропавл, Павлодар, Семей округтарында (1931 - 33) - эпизоотологиялық отрядтың бастығы, диагностикалық лаборатория меңгерушісі, 1933 жылдан Қазақтың мал дәрігерлік ғылыми - зерттеу институтында директордың ғылым жөніндегі орынбасары және ұзақ жылдар лаборатория меңгерушісі (1975 жылға дейні) болды. Қазақстанда жылқының маңқасын, ірі қараның қарасан, алаөкпе індеттерін, бруцеллез ауруын зерттеді және осы ауруды зерттейтін Қазақстандағы 7 мал дәрігерлік ғылыми - зерттеу стансиалары мен Солтүстік мал дәрігерлік ғылыми - зерттеу институтының жұмыстарына басшылық етті. 1975 жылдан дербес зейнеткер.
Еңбектері[өңдеу | қайнарын өңдеу]
150 - ге жуық ғылыми еңбек жариялады.
Сыйлықтары[өңдеу | қайнарын өңдеу]
Ол "Құрмет белігісі" орденімен және бірнеше медальдармен марапатталған.
Қолданылған әдебиет[өңдеу | қайнарын өңдеу]
Қазақ Совет энциклопедиясы, 1976 жыл, Алматы,10 том, 429 бет