Крестовкалар

Крестовкалар — құйрықсыз қосмекенділер туысы, сарымсақтылар тұқымына жатады. Ұзындығы 5,5 см. Терісі бұжыр, арқа жағында сарғыш—сұрғылт түсті, күңгірт, жасыл дақты, бауыры, ақшылтым, аталықтарының арқасында қисық орналасқан ақ дақтары крест тәріздес. Артқы аяқтарының саусақ аралық жарғақтары нашар жетілген. Еркектері ұрғашыларынан ірі және олардың алқым тұсында тері астында резонаторлары бар. Кавказдың эндемигі, кавказ крестовигі ТМД кеңістігіндегі бірақ түр. Көлеңкелі, ылғалды ормандарда су қоймаларының жағалауын мекендейді. Жаз бойы көбейді. Ұрғашылары өзен, бұлақтардың өсімдіктерінің су асты бөліктеріне бекітілген қысқа және кең кілегейлі қапшықтарға 20 дан 500—ге дейін жұмыртқа салады. Дернәсілдері суда қыстайды, көктемнен бастап даму сатыларын ары қарай жалғастырады.