Кэролайн Колейн
| Кэролайн Колейн | |
| Caroline Colijn | |
 Кэролайн Колейн 2017 жылы | |
| Азаматтығы | |
|---|---|
| Ғылыми аясы | |
| Жұмыс орны |
Саймон Фрейзер университеті |
| Ғылыми дәрежесі | |
| Альма-матер |
Британдық Колумбия университеті |
| Ғылыми жетекші |
Эдвард Р. Вскей |
Кэролайн Колейн (ағылш. Caroline Colijn) — канадалық математик және эпидемиолог. Қазіргі уақытта канадалық Саймон Фрейзер университетінде (SFU) "эволюция, инфекция және қоғамдық денсаулық сақтаудағы математика" кафедрасының профессоры, "Canada 150 Research" жобасының мүшесі.[1]
Білімі
[өңдеу | қайнарын өңдеу]Колейн өзінің бакалавр деңгейін Британдық Колумбия университетінде, қоршаған ортаны зерттеу саясында магистр деңгейін Йорк университінде және PhD деңгейін Уотерлу университінде аяқтады[2]. Майкл Мэккимен бірге докторантурадан кейінгі дайындықты Макгилл университінде бітіріп, кейін Меган Мюррэймен бірге Гарвард қоғамдық денсаулық сақтау университінде эпидемиология саласын оқыды.[3] Докторантурадан кейін 2011 жылы Лондон империялық колледжіне ауысып, Бристоль университінің инженерлік математика факультетіне оқуға түсті. Лондон империялық колледжінде оқуы кезінде Колейн ғалымдардың патогеннің эволюциясын құрайтын экологиялық процесстерді бақылау істерін жеңілдету жолдарын зерттеу мақсатында "Engineering and Physical Sciences Research Council Fellowship" фондынан қаржы иеленді.
Мансабы
[өңдеу | қайнарын өңдеу]2017 жылы Канада үкіметі "Canada 150 Research" жобасына Колейнді қосқанда төрт әлемге атақты ғалымдарды тағайындағанын жариялады.[4] Жалпы жобаның мақсаты - "Ғылым, зерттеу және инновациялық шеберліктің әлемдік орта аясында Канаданың беделін арттыру", ал Колейннің жеке зерттеу жоспары - Саймон Фрэйзер университетінде "патогендердің бейімделуі мен көбейуін түсінудегі математика мен денсаулық сақтау арасындағы байланыстар" болды.[5]
2020 жылдың ақпанында Кэролайн Колейн, Юкка Корандер және Ник Краучер Nature Microbiology журналында вакциналар туралы зерттеу жариялады. Олар математикалық модельдеу мен геном жайлы ақпаратты қолданып, бактериялардың арнайы штаммдарымен күресуде ең жақсы вакцинаны таңдау жолын ұсынды.[6]
COVID-19 пандемиясы кезінде Колейнге Британиялық Колумбия провинциясында инфекцияның таралуын картаға түсіруге "Genome British Columbia" фондынан қаржылай грант бөлінді. Зерттеушілер тобын басқарған Колейн грантты Британдық Колумбияның COVID-19 қаупін төмендету шараларының қаншалықты сәтті және тиімді екенін өлшеу үшін пайдаланды.[7] Колейн провинциядағы жоғары қауіпті тенденцияларды жобалау үшін математикалық модельдеуді қолданды, және соның арқасында денсаулық сақтау қызметкерлерінде пандемиямен қалай тиімді күресу керектігі туралы анықтама пайда болды.[8]
Сондай-ақ, Колейнді Канаданың бас ғылыми кеңесшісі (Chief Science Advisor of Canada) Мона Немер коронавирус инфекциясымен күресудегі зерттеулерге кеңес беру үшін халықаралық сарапшылар панеліне қатысуға мүше қылып тағайындады.[9]
Дереккөздер
[өңдеу | қайнарын өңдеу]- ↑ "Caroline Colijn, Professor & Canada 150 Research Chair". sfu.ca. Simon Frazer University.
- ↑ "SFU celebrates arrival of first Canada 150 Research Chair". sfu.ca. Simon Fraser University. August 16, 2018.
- ↑ "The MAGPIE Group". sfu.ca. Simon Fraser University.
- ↑ "B.C. gains 2 world-renowned scientists as part of new federal hiring initiative". cbc.ca. Canadian Broadcasting Corporation. December 13, 2017.
- ↑ "International public health mathematician to join SFU as Canada 150 Research Chair". sfu.ca. Simon Fraser University. December 13, 2017.
- ↑ Sharma, Shradhha (February 3, 2020). "Pioneering SFU research customizes vaccines to reduce bacterial disease". sfu.ca. Simon Fraser University.
- ↑ https://www.eurekalert.org/pub_releases/2020-05/sfu-ser050520.php "SFU epidemiologist awarded Genome B.C. grant to develop COVID-19 statistical tool". eurekalert.org. May 5, 2020.
- ↑ "BC's COVID-19 health policies are being informed by SFU professor's research". the-peak.ca. The Peak. Bhathal, Harvin (May 18, 2020).
- ↑ "COVID-19 Expert Panel". science.gc.ca.