Күз

Уикипедия — ашық энциклопедиясынан алынған мәлімет
Jump to navigation Jump to search

Күз – жылдың төрт мезгілінің бірі. Бұл мезгілде Жер шары өз орбитасының күн мен түннің күзгі теңелу нүктесінен Күннің қысқы тоқырау нүктесіне дейінгі аралығында болады.

Астрономиялық тұрғыдан Күз – 90 күнге (24 қыркүйек – 22 желтоқсан), ал күнтізбелік тұрғыдан 91 күнге (1 қыркүйек — 30 қараша) созылады. Әдетте, қыркүйек, қазан, қараша Күз айлары болып есептеледі. Күзде күн суытып, көлдер мен өзендер тартылып, өсімдіктер қурап, ағаштардың жапырағы түседі. Күн қысқара береді. Егін піседі, мал семіреді. Жыл құстары тізбектеліп, жылы өлкелерге ауып кетеді. Қазақстан жерінің күздегі сипаты біркелкі емес, солтүстік облыстарда егін піскенде, оңтүстік облыстар егіндерін жинап болады.

Бізде Жер шарының солтүстік жартысында Күз болғанда, Оңтүстік жарты шарда (Оңтүстік Америка, Австралия, Антарктида) көктем болады.‎