Күнді қаласы

Уикипедия — ашық энциклопедиясынан алынған мәлімет
Jump to navigation Jump to search

Күнді қаласы - Іле өзенінің бойында болған көне қала. Жазба деректерде аталғанымен дәл қай жерде орналасқаны анықталмаған. Түркештердің алғашқы қағаны Үш Елік (Үшлік) өзінің қағандығын басқаруды бір жүйеге келтіру үшін өкімш. өзгерістер жүргізгенде иелігіндегі жерін Ұлы және Кіші Орда етіп екіге бөлген. Ұлы Орданың орталығы ретінде Шу өзенінің басындағы Суяб қаласын белгілесе, Кіші Орданың орталығын Күнді қаласы етіп бекіткен. Бірқатар зерттеушілер Күнді қаласы атауын Қаялық (Қойлық) қаланың бір атауы деп есептейді. Қытайтанушы Ю.А. Зуевтің зерттеуіне қарағанда қытай жазба деректері бойынша 682 жылы қимақтар түркі тайпаларымен бірге Іле өзенінің алқабындағы Күнді қаласын қытайлардан қорғауға қатысқан деген мәлімет бар.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8