Кәдімгі таушымылдық

Уикипедия — ашық энциклопедиясынан алынған мәлімет
Jump to navigation Jump to search

Кәдімгі таушымылдық (Сарғалдақтар тұқымдасы) - Қазақстандағы үш түрдің ішіндегі жаппай кездесетін түрі. Тек Алтай тауларында, жапырақты және аралас ормандарда, алаңқайларда, шалғынды беткейлерде өседі. Көбінесе қалың шілік құрайды. Биіктігі 100 см болатын сабағы біртіндеп жуандайтын тамырға жалғасқан. Гүлдері ірі диаметрі 15-18 см. Гүлдері бір-біреуден, бес қабықты тостағанша жапырақшалы, бес желекті. Желектер саны онға дейін кездесуі мүмкін. Аталықтар саны көп, ашық сары тозаңды. Мамыр-маусымда гүлдеп, тамызда жеміс салады. Жеміс төрт немесе бес ұзарған жапырақшалардан тұрады. Тұқымы жылтыр, шар тәрізді. Кейбір елдерде халықтық медицинада асқазан-ішек ауруларын, кейбір ісік түрлерін, өкпе ауруын, безгекті емдеуге пайдаланылады. Соңғы кездері тамыр тұнбаларын жүйке ауруларын емдеуде қолданады. [1]

Дереккөздер[өңдеу]

  1. А. А. Иващенко. Қазақстан өсімдіктер әлемі. Алматыкітап баспасы, 2012.