Кәмелетке толмағандарды cаудаға салу

Кәмелетке толмағандарды cаудаға салу (ағыл. trade of juveniler (minors); нем. Minderjiilirigehandel m)

• Кәмелетке толмаған адамды сатып алу-сату немесе оған қатысты өзге де мәмілелер жасасу, сол сияқты оны пайдалану не азғырып - көндіру, тасу, беру, жасыру, сондай - ақ пайдалану мақсатында өзге де әрекеттер жасау - мүлкін тәркілеп немесе онсыз бес жылдан жеті жылға дейінгі мерзімге бас бостандығынан айыруға жазаланады.
• Нақсол әрекеттер:

• алдын ала сөз байласуы бойынша адамдар тобымен;
• бірнеше рет;
• өмір мен денсаулыққа қауіпті күш қолданып немесе оны қолданамын деп қорқыту арқылы;
• қару немесе қару ретінде пайдаланылатын заттары қолданып;
• екі немесе одан да көп адамға қатысты;
• ауыстырып салу немесе өзгедей пайдалану үшін жәбірленушінің органдарын немесе тінің алу мақсатында;
• алдау немесе сенімге қиянат жасау жолымен;
• адам өзінің қызметтік жағдайын пайдаланып;
• кәмелетке толмаған адамды қылмыс жасауға немесе қоғамға қарсы өзге де іс-әрекеттер жасауға тарту мақсатында;
• жәбірленушінің материалдық немесе өзге тәуелділігін пайдаланып жасалғанда, — мүлкін тәркілеп немесе онсыз жеті жылдан он жылға дейінгі мерзімге бас бостандығынан айыруға жазаланады.

• Кәмелетке толмаған адамды Қазақстан Республикасының шегінен тыс жерлерге әкету, Қазақстан Республикасына әкелу немесе бір шет мемлекеттен екіншісіне Қазақстан Республикасының аумағы арқылы тасу мақсатында жасалған әрекеттер, сол сияқты осындай әрекеттерді жасау мақсатында кәмелетке толмаған адамды Қазақстан Республикасының шегінен тыс жерлерге әкету, Қазақстан Республикасына әкелу немесе бір шет мемлекеттен екінші мемлекетке Қазақстан Республикасының аумағы арқылы тасу — мүлкін тәркілеп немесе онсыз он жылдан он екі жылға дейінгі мерзімге бас бостандығынан айыруға жазаланады.
• Осы бапта көзделген әрекеттер, егер:

• ұйымдасқан топпен жасалса;
• абайсызда жәбірленушінің өліміне немесе өзге де ауыр зардаптарға әкеп соқса, — мүлкін тәркілеп он екі жылдан он бес жылға дейінгі мерзімге бас бостандығынан айыруға жазаланады.