Көлдік-аллювийлік түзілімдер

Көлдік-аллювийлік түзілімдер. Өзен аңғарларының кеңейіңкіреп кеткен тұстарында пайда болатын көл тұрқылас атырауларда, яғни өзен сағасы өңіріндегі ылдилану дәрежесінің мейілінше жайпақталуы салдарынан қалыптасатын саяз көлшіктердегі тұрыңды сулар түбінде түзілетін шөгінділер; аллювийдің жайылммалық фациясына да, көлдік түзілімдерге де тиесілі белгілермен ерекшеленеді, литологиялық тұрғыдан құмдардан, құмдақтардан, саздақтардан және саздардан тұрады. Бұл түзілімдерге көбінесе өте жұқа қат-қабаттылық тән, бұл қат-қабаттылық құм, саз және саздақ қабатшаларының алмасып отыруымен сипатталады.