Лора Буш

	Лора Буш; Laura Lane Welch Bush
	; Лора Буштың ресми суреті
Лауазымы
Ту	АҚШ-тың 45-ші Бірінші Ханымы
20 қаңтар 2001 жыл — 20 қаңтар 2009 жыл
Ізашары	Хиллари Клинтон
Ізбасары	Мишель Обама
Өмірбаяны
Дүниеге келуі	4 қараша 1946 (77 жас); Мидленд, Техас, АҚШ
Туған кездегі есімі	Лора Лэйн Уэлч
Әкесі	Харольд Уэлч
Анасы	Дженна Хокинс
Жұбайы	Джордж У. Буш
Балалары	Барбара және Дженна
Қолтаңбасы
	өңдеу

Лора Лэйн Уэлч Буш (ағылш. Laura Lane Welch Bush, 4 қараша 1946, Мидленд, Техас штаты) — АҚШ-тың 43-ші президентінің әйелі, АҚШ мемлекетінің 45-ші бірінші ледиі (ханымы).

Өмірбаяны[өңдеу | қайнарын өңдеу]

Далластағы Оңтүстік әдістемелік университетінде педагогикалық білім алған. Содан соң Техас университетіне түсіп, кітапхана ісін зерттеді. 1977 жылы 7 қарашада Джордж Бушқа тұрмысқа шықты. Әйелінің арқасында Джордж ішімдік ішуді қойды. Олардың екі егіз қызы бар – Барбара және Дженна.

Лора Буш қоғамдық және қайырымдылық қызметпен белсенді түрде айналысады.1990 жж. Джордж Буш Техас губернаторы болған кезде оның бастамасы бойынша Техас кітап фестивалі, балаларды ерте жастан кітап оқуға дәріптеуге арналған, ата-аналарға көмектесетін «Кітап оқуға дайын болсақ, сабақ оқуға дайынбыз» атты оқыту бағдарламасы құрылды. Сол кездері Техастың бірінші ханымы отбасымен оқуға арналған кітаптарды шығаратын баспаларды қолдайтын арнайы қор құрды. Сондай-ақ, Лора Буш әйелдер мен балалардың денсаулығын жақсартуға бағытталған бастамаларды қолдады. Америка Құрама Штаттарының бірінші ханымы болған соң да ол бұл жобаларды қолдауын жалғастырды. Техас кітап фестивалі үлгісімен ол Ұлттық кітап фестивалін құрды. 2001 жылғы теракттан кейін Лора Буш зардап шеккендерге көмек беруге ерікті адамдарға қамқорлық көрсетті.