Лотос (журналы)

«Лотос» - Тунисте 1983 жылдан тоқсан сайын араб, ағылшын, француз тілдерінде шығыл тұратын (1968 жылдан Каирде, 1979 жылдан Бейрутте) Азия мен Африка жазушылары Ассоциациясының әдеби журналы.

1973 ж. Азия және Африка елдері жазушыларының Алматыда өткен 5-конференциясына орай Қазақ Республикасына арналған санында Абай Қүнанбаевтың өмірі мен қызметі туралы қысқаша мағлұмат беріліп, ақынның «Алыстан сермеп...», «Өлең - сөздің патшасы, сөз сарасы...», «Ғашықтың тілі - тілсіз тіл...» өлеңдері жарияланған. Абайдың ұлт әдебиетіне қосқан үлесі, қоғамдық қызметі, композиторлық қыры жайында Әлімжановтың, М. М. Әуөзовтың, Б. Сарбалаевтың мақалалары берілген.