Лоуренс Лессиг

Лоуренс Лессиг
Lawrence Lessig
Туған күні	3 маусым 1961 (1961-06-03) (64 жас)
Азаматтығы	АҚШ
Ұлты	Америкалық
Қызметі	Creative Commons лицензияларының негізін салушы
Әкесі	Лестер Лоуренс «Джек» Лессиг II
Анасы	Патрисия «Пэт» Уэст Лессиг
Сайты	http://www.lessig.org/

Лоуренс Лессиг (ағылш. Lawrence Lessig; 3 маусым 1961) — Стенфорд (АҚШ) университетінде құқық саласының профессоры. Халыққа Лессиг авторлық құқық туралы заңға өзгеріс енгізуде, әсіресе Интернетке байланысты мәселелерде белсенділігімен танылған тұлға ретінде белгілі.

Гарвард университетіне қарасты Едмонд Дж.Сафра атындағы Этика орталығы мен қорының директоры, әрі осы университет құрамындағы құқықтану мектебінің профессоры. Ол 1989 жылы Иель университетінің құқықтану мектебін тамамдағаннан кейін сот саласында қызмет еткен. 2002 жылы Creative Commons жобасының негізін қалап, АҚШ жоғарғы сотында қаралған Элдред пен Ашкрофт арасындағы істе негізгі кеңесші болған. Л.Лессиг “Код және кибер кеңістіктің басқа да заңдары” (1999), “Еркін мәдениет” (2004), “Ремикс” (2008) және әлемге кең танылған басқа да кітаптардың авторы.