Ләззат Төлегеновна Қожамқұлова

Ләззат Төлегеновна Қожамқұлова (1973 жылы) - социология ғылымдарының докторы, профессор, Қазақстан әлеуметтанушылары Ассоциациясының мүшесі, жауапты хатшысы, әл-Фараби атындағы ҚазҰУ-дің философия және саясаттану факультетінің социология кафедрасының профессоры. Қазақстан әлеуметтік қызметкерлер Ассоциациясының Төрағасы. әл-Фараби атындағы ҚазҰУ-дің философия және саясаттану факультетінің әлеуметтану бөлімін "Қолданбалы социология" мамандығы бойынша бітірді. 2000 жылы әлеуметтану мамандығы бойынша "ірі қаланың әлеуметтік құрылымы" апы тақырыпта кандидатық диссертация, ал 2004 жылы "Әлеуметтік жұмыс әлеуметтік институт ретінде: әлемдік тәжірибе және оның Қазақстанда қолданылуы" атты тақырыпта докторлық диссертация қорғады. 40-тан астам ғылыми еңбектердің авторы. Соның ішінде:

• Қала және ауыл әлеуметтануы. Әлеуметтану бойынша лекциялар курсы. Алматы, 2001.
• Қаланың әлеуметтік жұмысы: принциптер мен бағыттары. Алматы, 2003.
• Әлеуметтік жұмыстағы қайырымдылықтың рөлі. Алматы, 2003.
• Әлеуметтік жұмыстағы қызмет көрсету түрлері: Теория мен практиканың шетелдік тәжірибесі. Алматы, 2003.
• Әлеуметтану. Алматы, 2005. (Авторлар ұжымы).

Қожамқұлованың еңбектеріңде қоғамның әлеуметтік құрылымы, әлеуметтік саясат және тұрғындарды әлеуметтік қорғау мәселелері, соның ішінде, қоғамдағы көмекті кажет ететін топтармен әлеуметтік жұмыс мәселелері қарастырылады. Әлеуметтік жұмыстың Қазақстанда институционалдануы, жаңа ғылымның қазақстандық әлеуметтанудағы орны, шетелдік әлеуметтік жұмыс тәжірибесін қазақстандық қоғамда қолдану ғалымның еңбектерінде терең зерттеледі.