Марат Кенжебекұлы Дәдікбай

Марат Кенжебекұлы Дәдікбай
Дүниеге келгені:	1958 мамыр Қызылорда облысы Сырдария ауданы
Мансабы:	Қызылорда облыстық Ішкі саясат басқармасының бастығы

Марат Кенжебекұлы Дәдікбай 1958 жылы 24 мамырда Қызылорда облысы Сырдария ауданында туған. Қазақ.

С.М. Киров атындағы Қазақ мемлекеттік университетінің журналистика факультетін (1980) журналист мамандығы бойынша; Алматы Жоғары партия мектебін (1992); Алматы саясаттану және басқару институтының әлеуметтік-саяси қатынастар теориясы факультетін (1992) саясаттану мамандығы бойынша; «Болашақ» университетінің заң факультетін (2007) заңгер мамандығы бойынша бітірген. Қазақ және орыс тілдерін біледі.

1980 жылдан - ;;Целиноград облыстық «Коммунизм нұры» газетінің тілшісі, 1981 жылдан - аға тілшісі, 1986 жылдан - өнеркәсіп және көлік бөлімі меңгерушісі. 1989 жылдан - Алматы Жоғары партия мектебінің тыңдаушысы. 1992 жылдан - Ақмола облыстық «Арқа ажары» газетінің бөлім меңгерушісі. 1994 жылдан - «Ақмола элеватор» АҚ вице-президенті (Ақмола қ.). 1995-1996 жылдары -Ақмола облыстық тұтынушылар одағының баспасөз хатшысы. 1997 жылдан - «Инфо-Цес» газетінің бөлім меңгерушісі (Астана қ .). 2000—2001 жылдары — «Шаған агрофирмасы» ЖШС директорыныңорынбасары (Астана қ.). 2002 жылдың сәуірінен - «Альянс-А ЛТД» ЖШС директорының орынба- сары (Астана қ.). 2002 жылдың маусымынан - «Қазақстан Күріш одағы» заңды тұлғалар қоғамының атқарушы директоры. 2008 жылдың қаңтарынан - Астана қ. «Рауан» баспа үйі» ЖШС коммерциялық директоры. 2008 жылдың қазанынан - Қызылорда облысы әкімі аппаратының бас маманы. 2008 жылдың желтоқсанынан бері - Қызылорда облыстық Ішкі саясат басқармасының бастығы.

«Ең үздік журналист» белгісімен марапатталған (1999). Үйленген. Жұбайы - Дәдікбаева Гүлсінай Тоғызбайқызы. Ұлы - Дәдікбай Нүрлыбек; қызы - Дәдікбаева Нұртолқын.