Марат Мәжит

Уикипедия — ашық энциклопедиясынан алынған мәлімет
Jump to navigation Jump to search
262-281-9.png

Үлгі:Просьба переименоватьМарат Кәрімұлы Мәжитов - 1942 жылы 27 мамырда бұрынғы Гурьев, бүгінгі Атырау облысы, Мақат (қазіргі Қызылқоға) ауданы, Чапаев атындағы ұжымшарда дүниеге келген.Орта мектепті бітіргеннен кейін Комсомолдық жолдамамен мал шаруашылығына барып, көмекші шопан сосын жылқы баққан.Жүргізуші мамандығын игеріп, машина айдаған. 3(үш) жыл Ресей аумағында әскери міндетін атқарған.Содан кейін Қазақ Мемлекеттік Университеті журналистика факультетінің күндізгі бөліміне түсіп, оны ойдағыдай бітіріп, Қазақстан Компартиясы Орталық Комитеті Үгіт және Насихат бөлімінің арнайы жолдамасымен "Мәдениет және Тұрмыс" журналына жұмысқа орналасқан. Ұзақ жылдар қазіргі «Парасат» («Мәдениет және тұрмыс») журналында аға тілші, бөлім меңгерушісі, жауапты хатшы, бас редактордың орынбасары болып қызмет жасады. Содан кейін он алты-он жеті жылдай «Ақиқат» («Қазақстан коммунисі»), журналында жауапты хатшы, бас редактордың орынбасары болып қызмет істеді. Одан соң "Жұлдыз" журналында бас редактордың орынбасары қызметінде болды. 2008-2010 жылдары Астана қаласында шығатын «Ел» республикалық газетінде кеңесшілік қызмет атқарды.

Қазақстан Жазушылар Одағының мүшесі, Қазақстан Журналистер одағы сыйлығының екі мәрте лауреаты. Республикалық Табиғат қорғау қоғамы жарияланған конкурстың екі дүркін жеңімпазы. Атырау облысы Қызылқоға ауданының «Құрметті азаматы», «Құрмет» орденімен, Тəуелсіздіктің 20 жылдық медалімен, Қазақстан Республикасы Конституциясының 20 жылдық медалімен марапатталған. </ref>

Еңбектері[өңдеу]

«Қып-қызыл жалын» (1979), «Құлынды жон» (1983), «Соңғы айналым» (2002), «Аманғали» (2010) повесть, әңгімелер мен «Қүмдағы із» (1995), «Құныскерей» (2002, 2012), «Тобанияз» (2004, 2009) романдарының авторы. 2004 жылы «Тәуелсіздік рухымен» және «Әке аманаты» (2013) публицистика-эссе кітабы жарық көрді. Әр жылдары топтама жинақтарға бірнеше шығармалары кірген. 2016 жылы 5 томдық шығармалар жинағы жарық көрген.[1]

Дереккөздер[өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса Алматы: «Аң арыс» баспасы