Марат Несіпқалиұлы Иғалиев

Марат Несіпқалиұлы Иғалиев

Марат Несіпқалиұлы Иғалиев

1974 жылы 31 тамызда Гурьев облысы Қызылқоға ауданының Миялы ауылында туған. Қазақ.

Әкесі - Иғалиев Несіпқали Досанұлы, теміржол көлік қатынасы жүйесінде 30 жылдан астам уақыт жұмыс істейді. Анасы - Дәметкен Жетпісқызы, зейнеткер, ауданның дәрігер-педиатры қызметін атқарған.

Қ. Жұбанов атындағы Ақтөбе педагогикалық институтының тарих факультетін (1995) тарих және география мұғалімі мамандығы бойынша; ҚР Президенті жанындағы Мемлекеттік қызмет академиясының мемлекеттік басқару факультетін (1999) мемлекеттік қызмет менеджері мамандығы бойынша; Алматы экономика және статистика институтының экономика факультетін (2002) экономист мамандығы бойынша; А. Байтұрсынов атындағы Қостанай мемлекеттік университетінің заң факультетін (2006) заңгер мамандығы бойынша бітірген. Экономика саласындағы білім жетілдіру курстарынан (Малайзия, 2006; Голландия, 2007; Канада, 2008; Жапония, 2008) өткен.

Саяси ғылымдардың кандидаты (2003). Кандидаттық диссертациясының тақырыбы: «Қазақстанның саяси элитасының ауысым және айналым үдерістері (ретроспективтік саясаттанушылық талдау)».

50-ден астам ғылыми жарияланымдардың авторы.

Қазақ, орыс және ағылшын тілдерін біледі.

«Нұр Отан» ХДП мүшесі (2007 жылдан).

1995 жылдан - әл-Фараби атындағы Қазақ мемлекеттік университетінің аспиранты. 1997 жылдан - ҚР Президенті жанындағы Ұлттық жоғары мемлекетті басқару мектебінің тындаушысы. 1999 жылдан - ҚР Қауіпсіздік кеңесі Талдау орталығының сарапшысы. 2001 жылдан - «Нұрбанк» ААҚ Ақтөбе бөлімшесі директорының орынбасары. 2002 жылдан - «Нұрбанк» ААҚ Жоспарлау және талдау басқармасы бизнесті жоспарлау және талдау бөлімінің бастығы. 2003 жылдан - Ақтөбе облысы әкімі аппаратының жетекшісі 2005 жылдан - Қазақстанның «Атамекен» одағы Ұлттық экономикалық палатасы Баспасез қызметінің жетекшікі 2006 жылдың ақпанынан - ұйымдастыру-бақылау бөлімінің сарапшысы; 2006 жылдың наурызынан - ҚР Президенті әкімшілігінің ұйымдастыру-бақылау бөлімінің инспекторы. 2006 жылдың мамырынан - ҚР Қоршаған ортаны қорғау министрінің кеңесшісі . 2008 жылдан - ҚР Қоршаған ортаны қорғау министрлігінің Экологиялық рет- геу және бақылау комитеті төрағасының орынбасары. 2010 жылдың сәуірінен - «Нұр Отан» ХДП орталық аппараты хатшылығының сарапшысы. 2010 жылдың шілдесінен - «Нұр Отан» ХДП орталық аппараты Ақпарат және талдау департаментінің директоры. 2010 жылдың ақпанынан - ҚР Индустрия және сауда министрлігінің Сауда комитеті төрағасының орынбасары.

2010 жылдың мамырынан бері - ҚР Премьер-министрі орынбасары - ҚР индустрия және жаңа технологиялар министрінің кеңесшісі.

«Астананың 10 жылдығы» медалімен марапатталған (2008). Діни көзқарасы - ислам.

Саяси қайраткер ретіндегі идеалы - Н.Ә. Назарбаев, Ф.Д. Рузвельт, Ш. де Голль.

Қазақстанның болашағы туралы болжамы - «Жаңаша өрісті дамыған экономикасы бар демократиялық зайыр- лы әлеуметтік-құқықтық мемлекет. Еуропа мен Қытайдың арасындағы шешуші логистикалық орталық».

Хоббиі - спорт (альпинизм, велоспорт, футбол, шығыстық жеке сайыстар), ақпараттық технологиялар, археология.

Сүйіп оқитын әдебиеті - экономикалық, саясаттанушылық, психологиялық, тарихи әдебиеттер, «ТАӨ» сериясы бойынша кітаптар.

Үйленген. 2 ұлы, 2 қызы бар.