Мардымды

Мардымды. Қазақ тіліндегі қазіргі мағынасы — өнімді, нәтижелі, жартымды. «...бірдемелер айтпақ боп көріп еді, онысынан да мардымды ештеңе шықпады» (Ө. Қанахин, Жүрек.). Іздестіре келгенде, сөз төркіні жүйесі басқа араб, парсы тілдері екендігі байқалады. Араб тілінде «мәрәде» сөзінің бір мағынасы — зор, үлкен, ал парсы тілінде «мәрданэ» тұлғасы — батыл, ер жүрек. Араб, парсы тілдерінен ауысқан деуге болады, ноғай тілінде кездесетін «мардым» тұлғасындағы сөздің «үлкен, зор, күшті, мықты» сияқты мағыналарын кездестіреміз. Осы түлғаға қазақ тілінде -ды қосымшасы л<алғанып, «мардымды» сөзі пайда болған әрі мағынасына да аз-кем өзгеріс енген.