Матай жотасы

Уикипедия — ашық энциклопедиясынан алынған мәлімет
Jump to navigation Jump to search
Матай жотасы
Сипаттамасы
Тау жүйесі

Жетісу (Жоңғар) Алатауы

Пайда болған кезеңі

Палеозой

Ұзындығы

40-45 км

Биіктігі

2880 м

Орналасуы
Елдер

 Қазақстан, Алматы облысы

Матай жотасы - Жетісу (Жоңғар) Алатауының қиыр оңтүстік шетіндегі жоталар тобы. Оңтүстік-батысында Шолақ тауымен, солтүстік-шығысында Алтынемел жотасымен шектеседі. Ол ендік бойымен 40-45 км-ге созылып жатыр.

Жер бедері[өңдеу]

Матай жотасының сілемдерінің жер бедері күрделі, солтүстік-батыс беткейінде тік шатқалдар көп, ал оңтүстік-шығыс беткейі біртіндеп жазыққа ұласады. Одан көптеген өзендер бастау алады, ең биік жері 2880 м, батыстан шығысқа қарай Көтексу, Сеперлі, Алтынемел асулары орналасқан, олардан қыс мезгілінде өту қиын.

Геологиялық құрылымы[өңдеу]

Жота палеозой кезеңінің герцин тау түзілу кезеңінде пайда болған.

Климаты, топырағы мен өсімдігі[өңдеу]

Климаты тым континенттік. Жылдық жауын-шашын мөлшері 500-750 мм. Етегіндегі тау алды шөлейтінің бозғылт қоңыр топырағы тау басына қарай қызыл қоңыр, күңгірт қоңыр, қара қоңыр топырақ жамылғысына ауысады. Тау баурайында жусан, изен,бетеге, селеу, 1000 — 1200 м биіктікте тянь-шаньдық шалғын шөп өседі. [1]

Дереккөздер[өңдеу]