Матақ даласы
| Матақ даласы | |
| Сипаттамасы | |
|---|---|
| Ұзындығы | 50 км |
| Ені | 30 км |
| Ауданы | 1500 км² |
| Өзендер | Нұра, Жарлы, Матақ, Қараөзек |
| Қаңтардағы орт. температура | –16 °C |
| Шілдедегі орт. температура | 19 °C |
| Жылдық жауын-шашын деңгейі | 350 мм |
| Орналасуы | |
| 49°40′30″ с. е. 74°28′02″ ш. б. / 49.674885° с. е. 74.467123° ш. б. (G) (O) (Я)Координаттар: 49°40′30″ с. е. 74°28′02″ ш. б. / 49.674885° с. е. 74.467123° ш. б. (G) (O) (Я) | |
| Ел |  Қазақстан |
| Аймақ | Қарағанды облысы |
Матақ даласы – Қарқаралы тауларының солтүстік-батысындағы жазық өңір. Батысы Нұра өзенінің аңғарымен, шығысы Жарлы өзенінің төменгі аңғарымен, солтүстігі – Шадырадыр, Қарағанды, оңтүстігі Жуантөбе (746 м), Егізқызыл тауларымен шектеседі.
Жер бедері
[өңдеу | қайнарын өңдеу]Батыстан шығысқа қарай 50 км-ге , солтүстіктен оңтүстікке қарай 30 км-ге созылып жатыр. Жалпы ауданы 1500 км2. Теңіз деңгейінен орташа биіктігі 600 – 650 м. Жер бедері негізінен жазық.
Климаты
[өңдеу | қайнарын өңдеу]Климаты континеттік. Ауаның жылдық орташа температурасы қаңтарда –16°С, шілдеде 19°С. Жылдық жауын-шашын мөлшері 350 мм. Орта тұсынан шығыстан батысқа қарай Нұраның оң саласы – Матақ, оңтүстіктен солтүстікке қарай Қараөзек өзендері ағады.
Өсімдігі
[өңдеу | қайнарын өңдеу]Далалық сортаң, қызғылт қоңыр топырақ жамылғысында қызғылт селеу, қылқан селеу, көк шұнақ бетеге, австрия жусаны, қараған, тобылғы, өзен жағаларында қамыс өседі. Жерінің көпшілік бөлігі егін шаруашылығына пайдаланылуға қолайлы.[1][2]